25 naýryzdan bastap Ózbekstan aýmaǵyna kirerde tanylǵan zerthanalardyń koronavirýsqa arnalǵan PTR test nátijeleri suralady. PTR test týraly kýáligi joq azamattar shekaralyq beketterde ekspress-test tapsyrý múmkindigi qarastyrylǵan. Bul týraly ÓzA habarlady.
Týrizm komitetiniń dereginshe, PTR test nátijesi qabyldanatyn zerthanalardyń tizimin (kem degende 10) sanitarlyq-epidemiologiialyq qyzmeti jasaqtaidy. Al test nátijesi aǵylshyn nemese orys tilderinde bolýy kerek.
Jańa talaptar boiynsha:
· ÓR aýmaǵyna áýe, temirjol jáne shekara beketteri arqyly keletin barlyq azamattar óz esebinen áýejaida, temirjol stantsiiasynda nemese shekara beketinde koronavirýstyq antigenge ekspress-testi tapsyrý protsesi 2021 jyl 15 naýryzdan bastap joiyldy;
· áýe nemese temirjol baǵytynda kelýshiler ÓR-ǵa sapar aldynan tirkeýden ótý úshin sońǵy 72 saǵat ishinde koronavirýstyq PTR test týraly anyqtamany (indet joq degen) kórsetý talap etiledi;
· avtokóliktik baqylaý beketteri arqyly ÓR-ǵa kelýshiler 72 saǵattan aspaityn merzimde koronavirýstyq PTR testtik aýrý joqtyǵy jaily anyqtama tapsyrsa nemese PTR nátijeleri bolmaǵan jaǵdaida shekara beketterindegi klinika, zerthanalarda koronavirýstyq infektsiia antigenine ekspress test tapsyrady, indet anyqtalmasa Ózbekstan Respýblikasynyń aýmaǵyna kirýine ruqsat etiledi.
Jol shekara ótkizý beketteri arqyly keletin Ózbekstan azamattary men azamattyǵy joq adamdar, eger test nátijesinde aýrý anyqtalǵan jaǵdaida, olar tiisti aimaqta ornalasqan meditsinalyq mekemelerge jiberiledi.
«Soh» aýdany, «Shohimardan», «Chonkara», «Toshtepa» eldi mekenderge kirerde jáne sol aimaqtan ÓR-ǵa tranzittik jolmen kele jatqan Ózbekstan men Qyrǵyzstan azamattarynan koronavirýstyq test nátijeleri suralmaidy.
Eske salsaq, 15 naýryzdan bastap Ózbekstanǵa kelýshiler KVI-ǵa qosymsha test tapsyrmai kiretindigi týraly habarlaǵan bolatynbyz.
