Salyqtyq raqymshylyq aiasynda 242 myńnan astam Qazaqstan azamaty 5,3 mlrd teńge boryshyn ótedi. Esepten shyǵarylǵan ósimpul 1,13 mlrd teńgeni qurady, dep habarlaidy "Ult aqparat".
QR QM Memlekettik kirister komitetiniń málimetinshe, bir apta ishinde salyqtyq raqymshylyq múmkindikterin paidalanǵan azamattardyń sany 65 322 jeke tulǵaǵa ósken. Osy ýaqyt aralyǵynda olardyń 254,4 mln teńge kólemindegi ósimpuly esepten shyǵaryldy. Salyqtar boiynsha qaryzdaryn ótegen azamattardyń eń kóbi Almaty qalasynda (42 500), Qostanai (28 137) jáne Aqtóbe (25 391) oblystarynda turady.
Negizgi qaryzdy óteý boiynsha kóshbasshylar - Almaty qalasy (3 mlrd teńgeden astam), Qostanai (451,1 mln) jáne Almaty (220,6 mln) oblystary. Ósimaqyny esepten shyǵarý boiynsha eń úlken soma - Almaty qalasy (533,1 mln), Pavlodar oblysy (145,1 mln), Nur-Sultan qalasy (72,4 mln).
«Jalpy, 1,4 millionǵa jýyq adam raqymshylyqqa iligip, 13,9 mlrd teńge kóleminde qaryzdyń negizgi somasyn tólegen jaǵdaida, 6,3 mlrd teńge kóleminde ósimpul esepten shyǵarylady. Salyq tóleýshiler boryshtarynyń bar-joǵyn Memlekettik kirister komitetiniń saitynda nemese myna silteme boiynsha teksere alady», - delingen komitet aqparatynda.
