سالىقتىق راقىمشىلىق اياسىندا 242 مىڭنان استام قازاقستان ازاماتى 5,3 ملرد تەڭگە بورىشىن ٶتەدٸ. ەسەپتەن شىعارىلعان ٶسٸمپۇل 1,13 ملرد تەڭگەنٸ قۇرادى, دەپ حابارلايدى "ۇلت اقپارات".
قر قم مەملەكەتتٸك كٸرٸستەر كوميتەتٸنٸڭ مەلٸمەتٸنشە, بٸر اپتا ٸشٸندە سالىقتىق راقىمشىلىق مٷمكٸندٸكتەرٸن پايدالانعان ازاماتتاردىڭ سانى 65 322 جەكە تۇلعاعا ٶسكەن. وسى ۋاقىت ارالىعىندا ولاردىڭ 254,4 ملن تەڭگە كٶلەمٸندەگٸ ٶسٸمپۇلى ەسەپتەن شىعارىلدى. سالىقتار بويىنشا قارىزدارىن ٶتەگەن ازاماتتاردىڭ ەڭ كٶبٸ الماتى قالاسىندا (42 500), قوستاناي (28 137) جەنە اقتٶبە (25 391) وبلىستارىندا تۇرادى.
نەگٸزگٸ قارىزدى ٶتەۋ بويىنشا كٶشباسشىلار - الماتى قالاسى (3 ملرد تەڭگەدەن استام), قوستاناي (451,1 ملن) جەنە الماتى (220,6 ملن) وبلىستارى. ٶسٸماقىنى ەسەپتەن شىعارۋ بويىنشا ەڭ ٷلكەن سوما - الماتى قالاسى (533,1 ملن), پاۆلودار وبلىسى (145,1 ملن), نۇر-سۇلتان قالاسى (72,4 ملن).
«جالپى, 1,4 ميلليونعا جۋىق ادام راقىمشىلىققا ٸلٸگٸپ, 13,9 ملرد تەڭگە كٶلەمٸندە قارىزدىڭ نەگٸزگٸ سوماسىن تٶلەگەن جاعدايدا, 6,3 ملرد تەڭگە كٶلەمٸندە ٶسٸمپۇل ەسەپتەن شىعارىلادى. سالىق تٶلەۋشٸلەر بورىشتارىنىڭ بار-جوعىن مەملەكەتتٸك كٸرٸستەر كوميتەتٸنٸڭ سايتىندا نەمەسە مىنا سٸلتەمە بويىنشا تەكسەرە الادى», - دەلٸنگەن كوميتەت اقپاراتىندا.
