24 shilde kúni Qazaqstan aýmaǵynda jazǵy aýa raiy saqtalyp, kóptegen óńirde joǵary temperatýra tirkeledi, dep habarlaidy ult.kz.
Sinoptikterdiń boljamynsha, eldiń basym bóliginde kún ashyq bolǵanymen, kei aimaqtarda atmosferalyq turaqsyzdyq áserinen naizaǵai oinap, ótkinshi jańbyr jaýýy múmkin.
Ońtústik jáne ońtústik-batys óńirlerde aptap ystyq saqtalady. Kúndiz aýa temperatýrasy kei jerlerde +35…+40 gradýsqa deiin kóterilýi yqtimal. Al soltústik, shyǵys jáne ortalyq óńirlerde +25…+33 gradýs aralyǵynda jyly aýa raiy kútiledi.
Elimizdiń soltústik, shyǵys jáne ońtústik-shyǵysyndaǵy taýly aýdandarda naizaǵai oinap, qysqa merzimdi jańbyr jaýýy, ekpindi jeldiń kúsheiýi jáne jekelegen jerlerde burshaq túsýi múmkin. Sonymen qatar ońtústik óńirlerde shańdy daýyl qaýpi de saqtalady.
Mamandar turǵyndarǵa kúnniń eń ystyq ýaqytynda uzaq ýaqyt dalada júrmeýge, múmkindiginshe kóleńkede bolyp, suiyqtyqty kóbirek tutynýǵa keńes beredi. Sondai-aq tabiǵat aiasynda demalýshylar men diqandarǵa órt qaýipsizdigi talaptaryn qatań saqtaý qajettigi eskertiledi.
