Foto: Polisia.kz
Aqmola men ShQO-da iri kólemdegi urlyq ashyldy – kúdiktiler ustaldy dep habarlaidy Ult.kz.
Aqmola oblysynda politseiler ishinde 24 million teńge bolǵan Mercedes-Benz avtokóligin aidap ketkenderge qatysty isti ashty. Kóliktiń joǵalǵany týraly habar túse sala tártip saqshylary jedel izdestirý sharalaryn bastap, beinebaqylaý kameralaryn taldap, kúdiktilerdiń qozǵalys baǵytyn anyqtaǵan.
Úsh kúnniń ishinde politseiler Qyzylorda oblysynyń eki turǵynyn ustap, olar qamaýǵa alyndy.
Shyǵys Qazaqstan oblysynda da iri kólemdegi urlyqtyń beti ashyldy. Óskemen qalasynyń 34 jastaǵy turǵyny úiine belgisiz adamnyń kirip, 10 million teńge men zergerlik buiymdaryn urlap ketkenin aityp, politsiiaǵa júgingen.
Tergeý barysynda kúdiktiniń plastikalyq tereze arqyly úige kirgeni anyqtaldy. Jedel áreket nátijesinde 33 jastaǵy er adam ustalyp, urlanǵan múlik tolyqtai iesine qaitaryldy.
Eki fakti boiynsha sotqa deiingi tergeý jalǵasyp jatyr.
