23 shildede Ózbekstan Respýblikasy Ortalyq sailaý komissiiasynyń kezekti otyrysy ótti. Ol úlken saiasi protsestiń bastamasy boldy. Ózbekstan Respýblikasy Prezidentin sailaý naýqany bastaldy, dep habarlaidy "Ult aqparat" ÓzA-ǵa silteme jasap.
Is-sharaǵa saiasi partiialardyń jetekshileri, azamattyq qoǵam institýttary men buqaralyq aqparat quraldarynyń ókilderi qatysty.Ortalyq sailaý komissiiasy Ózbekstan Respýblikasy Prezidentin sailaý kúni retinde 2021 jylǵy 24 qazanda belgiledi. Sailaý naýqany 23 shildede bastalady dep jariialandy.
Prezident sailaўy Ózbekstan Respýblikasy Konstitýtsiiasynyń 117-babyna ózgerister engizýinene bailanysty, aǵymdaǵy jyldyń qazan aiynda ótkiziledi. Ózbekstan Respýblikasy Ortalyq sailaý komissiiasynyń tóraǵasy Zainiddin Nizamhodjaev Prezident sailaýy jańartylǵan ulttyq sailaý zańnamasyna, jalpyǵa tanylǵan halyqaralyq standarttarǵa, demokratiialyq printsipterge, ashyqtyq pen jariialylyqqa sáikes ótetinin basa aitty.
Aldaǵy sailaýlar 2017-2021 jyldardaǵy Ózbekstan Respýblikasyn damytýdyń bes basym baǵyty boiynsha is-qimyl strategiiasynda kórsetilgen demokratiialyq ideialardyń taǵy bir jarqyn kórinisi bolady.
2016 jylǵy 4 jeltoqsandaǵy prezidenttik sailaýdan keiingi bes jyl ishinde adamdarda, el ómirinde, qoǵamda, ulttyq sailaý zańnamasynda orasan zor ózgerister boldy. Halyqaralyq jetekshi uiymdar men sarapshylar moiyndaǵandai, osy kezeńde respýblika ómiriniń áleýmettik-saiasi jáne ekonomikalyq salalarynda halyqtyń ál-aýqatyn jaqsartýǵa baǵyttalǵan batyl reformalar júzege asyryldy. Ózbekstan Respýblikasy Sailaý Kodeksi negizinde ótken Prezident sailaýy alǵash ret Ózbekstan Respýblikasy Prezidentiniń, iaǵni memleket basshysynyń sailanýyn konstitýtsiialyq erejelerge sáikes kezeńdilik negizinde qamtamasyz etedi. Sonymen qatar, eldegi saiasi partiialardyń sany bireýge kóbeiip, partiiaaralyq básekelestik aitarlyqtai ósti.
Kezdesýde barlyq saiasi partiialar men olardyń kandidattary úshin sailaý naýqany kezinde shynaiy básekelestik orta men teń jaǵdailar jasalatyndyǵy basa aityldy. Saiasi partiialardyń, azamattardyń ózin-ózi basqarý organdarynyń, halyqaralyq uiymdardyń jáne shet memleketterdiń ókilderi, jýrnalister, onyń ishinde sheteldik jýrnalister, myńdaǵan baqylaýshylar prezidenttik sailaýǵa daiyndyq pen ótkizý barysyn, onyń ishinde daýys berý protsesin baqylaidy.
Aldaǵy sailaýdy joǵary saiasi, quqyqtyq jáne uiymdastyrýshylyq deńgeide ótkizý úshin, Ortalyq sailaý komissiiasy ústimizdegi jyldyń 14 sáýirinde bekitken Ózbekstan Respýblikasy Prezidentin sailaýǵa daiyndyq jónindegi negizgi sharalar baǵdarlamasyna sáikes seriktes uiymdarmen birge aýqymdy isterdi júzege asyrýda. Soǵan sáikes, mańyzdy mindet - sailaýshylar men sailaý uiymdastyrýshylaryna Prezident sailaýynyń mańyzdylyǵy men erekshelikteri, Sailaý kodeksi, sailaý zańnamasyna engizilgen ózgerister men tolyqtyrýlardyń mazmuny týraly habarlaý. Sailaý naýqany jariialanǵanǵa deiingi kezeńde bolǵan mundai is-sharalar milliondaǵan azamattardy qamtyǵanyn atap ótken jón.
