Tájikstannan Qazaqstannyń 24 azamaty elge oraldy, dep habarlaidy "Ult aqparat" www.coronavirus2020.kz saityna silteme jasap.
Bizdiń azamattarymyzdy shet elderden qaitarý jónindegi sharalar aiasynda, Qazaqstan Respýblikasy Qorǵanys ministrligi men Syrtqy ister ministrliginiń, sondai-aq Tájikstannyń memlekettik organdarynyń birlesken kúsh-jigerimen ú.j. 28 naýryzda osy memleketten bizdiń otandastarymyz elge shyǵaryldy.
Qazaqstannyń Áskeri-áýe kúshteriniń áskeri-kólik aviatsiiasynyń qoldaýymen 24 QR azamaty elge aman-esen shyǵaryldy. Bul azamattar Tájikstan aýmaǵynda bolǵan jáne tájik biligi qatań shekteý sharalaryn engizgennen keiin shyǵa almai qalǵan.
Osy bort arqyly Tájikstannyń 23 azamaty óz otanyna oraldy.
