Qazaqstanda memlekettik sýbsidiialardy zańsyz iemdendi degen kúdikke ilingen áiel Grýziiadan Qazaqstanǵa ekstraditsiialandy, dep habarlaidy ult.kz.
Bas prokýratýra, Qarjylyq monitoring agenttigi jáne Ishki ister ministrliginiń Interpol qyzmetkerleri kúdiktini Grýziiadaǵy Qazaqstan elshiliginiń qoldaýymen elge jetkizdi.
Tergeý málimetinshe, kúdikti 2020–2023 jyldary aýyl sharýashylyǵy taýaryn óndirýshilerdi memlekettik qoldaýǵa bólingen biýdjet qarajatyn jymqyrý shemasyn uiymdastyrǵan.
Ol senimdi tulǵalardyń atyna tirkelgen sharýa qojalyqtaryn, asyl tuqymdy iri qara satyp alýǵa arnalǵan jalǵan kelisimsharttar men basqa da qujattardy paidalanǵan. Osy arqyly jeńildetilgen nesie men memlekettik sýbsidiialardy zańsyz alǵan.
Tergeý nusqasy boiynsha, keltirilgen zalaldyń jalpy kólemi 238 mln teńgeden asady.
Qylmystan keiin kúdikti shetelge qashyp, halyqaralyq izdeýge jariialanǵan. Biyl naýryzda Grýziia aýmaǵynda ustalyp, Qazaqstan Bas prokýratýrasynyń suraýy boiynsha elge ekstraditsiialandy.
Qazir ol tergeý izoliatoryna qamaldy. Kúdiktige taǵylǵan aiyp dáleldengen jaǵdaida múlkin tárkileý jáne 10 jylǵa deiin bas bostandyǵynan aiyrý jazasy qarastyrylǵan.
Aita keteiik, jyl basynan beri Grýziiadan Qazaqstanǵa jeti adam ekstraditsiialanǵan. Olardyń beseýi jymqyrý qylmystary boiynsha halyqaralyq izdeýde bolǵan.
