قازاقستاندا مەملەكەتتٸك سۋبسيدييالاردى زاڭسىز يەمدەندٸ دەگەن كٷدٸككە ٸلٸنگەن ەيەل گرۋزييادان قازاقستانعا ەكستراديتسييالاندى, دەپ حابارلايدى ult.kz.
باس پروكۋراتۋرا, قارجىلىق مونيتورينگ اگەنتتٸگٸ جەنە ٸشكٸ ٸستەر مينيسترلٸگٸنٸڭ ينتەرپول قىزمەتكەرلەرٸ كٷدٸكتٸنٸ گرۋزيياداعى قازاقستان ەلشٸلٸگٸنٸڭ قولداۋىمەن ەلگە جەتكٸزدٸ.
تەرگەۋ مەلٸمەتٸنشە, كٷدٸكتٸ 2020–2023 جىلدارى اۋىل شارۋاشىلىعى تاۋارىن ٶندٸرۋشٸلەردٸ مەملەكەتتٸك قولداۋعا بٶلٸنگەن بيۋدجەت قاراجاتىن جىمقىرۋ سحەماسىن ۇيىمداستىرعان.
ول سەنٸمدٸ تۇلعالاردىڭ اتىنا تٸركەلگەن شارۋا قوجالىقتارىن, اسىل تۇقىمدى ٸرٸ قارا ساتىپ الۋعا ارنالعان جالعان كەلٸسٸمشارتتار مەن باسقا دا قۇجاتتاردى پايدالانعان. وسى ارقىلى جەڭٸلدەتٸلگەن نەسيە مەن مەملەكەتتٸك سۋبسيدييالاردى زاڭسىز العان.
تەرگەۋ نۇسقاسى بويىنشا, كەلتٸرٸلگەن زالالدىڭ جالپى كٶلەمٸ 238 ملن تەڭگەدەن اسادى.
قىلمىستان كەيٸن كٷدٸكتٸ شەتەلگە قاشىپ, حالىقارالىق ٸزدەۋگە جارييالانعان. بيىل ناۋرىزدا گرۋزييا اۋماعىندا ۇستالىپ, قازاقستان باس پروكۋراتۋراسىنىڭ سۇراۋى بويىنشا ەلگە ەكستراديتسييالاندى.
قازٸر ول تەرگەۋ يزولياتورىنا قامالدى. كٷدٸكتٸگە تاعىلعان ايىپ دەلەلدەنگەن جاعدايدا مٷلكٸن تەركٸلەۋ جەنە 10 جىلعا دەيٸن باس بوستاندىعىنان ايىرۋ جازاسى قاراستىرىلعان.
ايتا كەتەيٸك, جىل باسىنان بەرٸ گرۋزييادان قازاقستانعا جەتٸ ادام ەكستراديتسييالانعان. ولاردىڭ بەسەۋٸ جىمقىرۋ قىلمىستارى بويىنشا حالىقارالىق ٸزدەۋدە بولعان.
