Foto: videodan alynǵan skrin
Qazaqstan Bas prokýratýrasy men Ishki ister ministrliginiń Interpol qyzmetkerleri Grekiiadaǵy Qazaqstan Elshiliginiń kómegimen asa iri kólemde alaiaqtyq jasady degen kúdikpen Qazaqstan azamatyn elge ekstraditsiialady, dep habarlaidy Ult.kz.
Tergeý málimetinshe, 2021 jyly Almatydaǵy tasymaldaý kompaniiasynda býhgalter bolyp istegen áiel basshysynan 230 myń AQSh dollaryn banktik seifke saqtaý úshin alyp, keiin qarajatty iemdenip ketken.
Oqiǵadan keiin kúdikti jasyrynyp, halyqaralyq izdeýge jariialanǵan. Ol 2024 jyldyń maýsymynda Grekiiada ustalyp, Qazaqstannyń suraýy negizinde elge qaitaryldy.
Qazaqstan men Grekiia arasynda tikelei áýe reisi bolmaǵandyqtan, ekstraditsiia Serbiia arqyly tranzitpen júzege asqan. Bul úderiste Qazaqstannyń Serbiiadaǵy Elshiligi qoldaý kórsetti.
Qazir kúdikti Astanadaǵy tergeý izoliatoryna qamaldy. Oǵan qatysty qylmystyq is qozǵaldy. Zańǵa sáikes, múlkin tárkileý, belgili bir qyzmetpen ainalysý quqyǵynan 10 jylǵa deiin aiyrý jáne 10 jylǵa deiin bas bostandyǵynan aiyrý jazasy qarastyrylǵan.
