Foto: Egemen.kz
Úkimet Prezidenttiń tapsyrmasy boiynsha otandyq taýar óndirýshilerdi qoldaýdy keńeitip, qazaqstandyq ónimge degen suranysty arttyrýǵa baǵyttalǵan jańa tetikter engizýde, dep habarlaidy Ult.kz.
Sońǵy jyldary memlekettik organdar basym tártippen satyp alatyn taýarlar tizimi 2,7 esege ulǵaiyp, búginde 4,8 myńnan astam ónimdi qamtidy. Bul — otandyq kásiporyndarǵa turaqty suranys qalyptastyryp, óndiris qýatyn arttyrýǵa múmkindik beretin mańyzdy faktor.
Bizneske túsetin qarjylyq salmaqty azaitý maqsatynda birqatar qoldaý sharalary engizildi:
• memlekettik kelisimsharttar boiynsha óndirýshilerge 30% kóleminde aldyn ala tólem beriledi;
• shartty oryndaýdy qamtamasyz etý talaby alynyp tastaldy;
• turaqsyzdyq aiyby 10%-dan 3%-ǵa deiin tómendetildi.
Osynyń nátijesinde biyl jasalǵan memlekettik kelisimsharttardyń jalpy kólemi 418 mlrd teńgeden asyp, ótken jylmen salystyrǵanda 51,4% ósim kórsetti.
Otandyq kásiporyndarǵa ónim ótkizýge kepildik beretin ofteik-kelisimsharttar da aitarlyqtai nátije berip otyr. 2024 jyly olardyń kólemi 250 mlrd teńgeden assa, 2025 jyldyń 10 aiynda bul kórsetkish 1 trln 64 mlrd teńgege jetti.
Jalpy, biyl jyl basynan beri 2,3 trln teńge somasyna 1,5 myńǵa jýyq uzaq merzimdi sharttar men ofteik-kelisimder jasaldy. Bul — eldiń importqa táýeldiligin azaityp, qazaqstandyq óndirýshilerdiń naryqtaǵy pozitsiiasyn kúsheitýge yqpal etedi.
2025 jylǵy 1 shildeden bastap jer qoinaýyn paidalanýshylar standartqa keltirilmegen taýarlardy birja arqyly satyp alý mindetinen bosatylady. Bul sheshim 450 mlrd teńgeden astam qarjyny retteletin satyp alýlarǵa baǵyttap, otandyq kompaniialar úshin qoljetimdilikti arttyrýǵa múmkindik berdi. Toǵyz aidyń qorytyndysy boiynsha mundai satyp alýlardaǵy jergilikti qamtý úlesi 54,4% boldy.
Sonymen qatar otandyq óndirýshilermen uzaq merzimdi kelisimsharttar jasasý mindettemelerin bekitetin zań da kúshine endi. Al jańa jyldan bastap qazaqstandyq taýar óndirýshilerdiń biryńǵai tizilimi iske qosylady — ol ónimniń shyǵý tegin ashyq rastaýdy qamtamasyz etedi.
Úkimet qabyldap jatqan sharalar qazaqstandyq qamtý úlesin turaqty arttyryp, otandyq óndiris úshin boljamdy ári uzaq merzimdi ótkizý naryǵyn qalyptastyrýǵa baǵyttalǵan.
