Qaraǵandy oblysynda aýdany 2 myń sharshy metrden asatyn saýda ortalyqtarynyń jumysyna tyiym salynady, demalys kúnderi qalaaralyq avtobýstardyń qozǵalysy toqtatylady. Osy jáne basqa da shekteýler 23 qańtar kúni saǵat 00:00-den bastap oblys aýmaǵynda engiziledi, dep habaplaidy "Ult aqparat".
Bul týraly Saryarqa YouTube-arnasynda ótken brifingide óńirdiń bas memlekettik sanitarlyq dárigeri Iýrii Zalygin málimdedi.
«Osy jyldyń qańtar aiynda óńirde koronavirýs infektsiiasyn juqtyrǵandar 44%-ǵa nemese ótken aidyń sáikes kezeńimen salystyrǵanda 1,4 ese ósýi baiqalady. 18 qańtardan bastap Qaraǵandy oblysy «sary» aimaqqa endi. Osyǵan bailanysty birqatar shekteý sharasyn engizý týraly sheshim qabyldandy», - dedi oblystyń bas sanitarlyq dárigeri.
HQKO, bank jáne «Qazposhta» bólimsheleriniń jumysy 09.00-den 18.00-ge deiin qysqarady. Olar aldyn-ala jazylý boiynsha (áleýmettik qashyqty, maska rejimin, termometriiany saqtai otyryp, sanitarlyq-dezinfektsiialyq rejimdi kúsheite otyryp) jumys isteidi .
Qyzmetkerler sany 15 jáne odan da kóp uiymdar shtatynyń 60% qashyqtan jumys isteý formatyna aýystyrylady.
Qoǵamdyq tamaqtaný nysandarynyń jumys, mereke jáne demalys kúnderi jumys isteý rejimi saǵat 07.00-den 22.00-ge deiin shekteledi. Toltyrylýy 50%-dan aspaýy tiis (50 otyratyn orynnan artyq emes). Ujymdyq jáne eske alý is-sharary ótkizilmeidi.
Tamaqty ózimen alyp ketý jáne jetkizý ýaqyty shektelmeidi.
Mádeniet nysandarynyń qyzmeti tolymdylyǵy 20%-dan aspaityn jaǵdaida júzege asyrylady. Daiyndyq tek 30 adamnan aspaityn jaǵdaida ǵana múmkin bolady.
Kinoteatrlar kórermendermen tolyǵýy 20%-dan aspaǵan jaǵdaida jumys istei alady (30 adamǵa deiin).
65 jastan asqan adamdarǵa asa qajet bolmasa tysqa shyǵý shekteldi.
Jeksenbide jabyq azyq-túlik jáne azyq-túlik emes bazar, saýna, monsha, SPA ortalyq, massaj salony, OSO, SÚ, aýdany 2 000 sharshy metrden asatyn saýda jelilerinde azyq-túlik sýpermarketi, dárihana, sán salony men himiialyq tazartý oryndarynan basqalarynyń qyzmeti toqtatylady.
Jumys kúnderi saýna, monsha, SPA jáne massaj salony 09.00-den 20.00-ge deiin jumys istei alady.
Senbi jáne jeksenbi kúnderi oblysishilik qalaaralyq turaqty jolaýshylar tasymalynyń qozǵalysy toqtatylady:
Qaraǵandy-Temirtaý - Qaraǵandy, Qaraǵandy - Saran - Qaraǵandy, Qaraǵandy - Abai - Qaraǵandy, Qaraǵandy - Shahtinsk - Qaraǵandy, Qaraǵandy - Shaqan - Qaraǵandy, Qaraǵandy - Topar-Qaraǵandy.
«Koronavirýstyń aldyn-alý kóbinese ózimizge bailanysty. Maskany kiip júrý eki, tipti úsh esege deiin aýrýdyń aldyn alý múmkindigin arttyrady. Tek kúsh-jigerimizdi biriktire otyryp, biz osy indetpen kúreste, onyń ishinde bizdiń ómirimiz úshin, týystarymyzdyń ómiri men densaýlyǵy úshin kúreste nátijege qol jetkize alamyz», - dedi Iýrii Zalygin oblys turǵyndaryna.
