23-25 tamyz kúnderi «Daryn» Respýblikalyq ǵylymi-praktikalyq ortalyǵynyń uiymdastyrýymen HHI Respýblikalyq Abai oqýlary ótedi, dep habarlaidy "Ult aqparat".
Onlain formatta ótetin Abai oqýlarynyń negizgi maqsaty – qazaq halqynyń ádebi murasyn nasihattaý, oqýshylardyń klassikalyq qazaq ádebietin oqýǵa qyzyǵýshylyǵyn arttyrý, Abai men Shákárim shyǵarmashylyǵyn nasihattaý, oqýshylardyń estetikalyq talǵamyn, shyǵarmashylyq qabiletterin damytý, uly aqyndardyń poeziiasyna, rýhani murasyna degen súiispenshilikke tárbieleý.
Erejege sáikes, Abai oqýlary úsh kezeńde ótkiziledi: aýdandyq (qalalyq), oblystyq jáne respýblikalyq.
Abai oqýlarynyń aýdandyq kezeńine 13625 oqýshy, oblystyq kezeńge 1759 oqýshy qatysty. Respýblikalyq qorytyndy kezeńge 120 oqýshy qatysady dep kútilýde.
Abai oqýlarynyń respýblikalyq kezeńi 6 nominatsiiadan turady:
1 nominatsiia - «Óleń – sózdiń patshasy, sóz sarasy» nominatsiiasy – Abai óleńderin jatqa oqý konkýrsy.
2 nominatsiia - «Abaidyń qara sózderi» nominatsiiasy boiynsha Abaidyń qara sózderin jatqa, mánerlep oqý.
3 nominatsiia - «Abaidyń aqyn shákirtteriniń shyǵarmalary» nominatsiiasy boiynsha Shákerim Qudaiberdiuly, Aqylbai Abaiuly, Maǵaýiia Abaiuly shyǵarmalaryn jatqa oqý.
4 nominatsiia - «Kóńilim ándi uǵady» nominatsiiasy – oqýshynyń Abai men Shákárimniń ánderi men kúilerin oryndaý sheberligi baǵalanady.
5 nominatsiia - «Júirikten júirik ozar jarysqanda» nominatsiiasy –oqýshylardyń óz shyǵarmalary (poeziialyq) baǵalanady.
6 nominatsiia - «Ulylar álemi» Abai men Shákárimniń shyǵarmashylyǵyna, rýhani bolmysyna qatysty taqyrypqa esse jazý.
Aita keterligi, qatysýshylar aqyndardyń barlyq shyǵarmalaryn jatqa bilýi kerek.
Abai oqýlarynyń jeńimpazdary men júldegerleri QR Bilim jáne ǵylym ministrliginiń I, II, III dárejeli diplomdarymen, sondai-aq «Daryn» respýblikalyq ǵylymi-praktikalyq ortalyǵynyń gramotalarymen jáne baǵaly syilyqtarymen marapattalady.
