22 shildede Qazaqstan aýmaǵynda telearnalar men radiostantsiialardyń habar taratýy ýaqytsha toqtatylady. Bul josparly profilaktikalyq jumystardyń júrgizilýine bailanysty, dep habarlaidy ult.kz.
«Qazteleradio» kompaniiasynyń málimetinshe, 22 shilde kúni Astana ýaqyty boiynsha saǵat 03:00-den 17:00-ge deiin ulttyq jerseriktik, efirlik tsifrlyq jáne analogtyq teleradio habarlaryn taratý jelilerinde telearnalar men radiostantsiialardyń kórsetilimi ýaqytsha úziledi.
«Qazteleradio» mundai profilaktikalyq jumystar teleradio jelileriniń turaqty ári sapaly jumysyn qamtamasyz etý maqsatynda júieli túrde júrgiziletinin atap ótti.
Kompaniia ókilderi turǵyndardan ýaqytsha qolaisyzdyqtar úshin túsinistik tanytýdy surap, keltirilgen qolaisyzdyq úshin keshirim ótindi.
