Mektep oqýshylaryna arnalǵan Naýryz merekesi qarsańyndaǵy kontserttik baǵdarlamanyń stsenarii.
1-júrgizýshi:
Ar ma, aǵaiyn! Qaiyrly kún, qurmetti ustazdar, ata-analar, oqýshylar! Jer júzindegi halyqtardyń báriniń de túrli meiramdary bar. Shyǵys halyqtarynyń sondai erekshe meiramdarynyń biri – Naýryz.
2- júrgizýshi:
Dástúrimizge ainalǵan Ulystyń Uly kúni – Naýryz qutty bolsyn! Kúlimdegen shýaqty kóktemmen birge qazaq dalasyna jer álemdi jainatyp, ánshi qustardy sairatyp, Naýryz toiyn toilatyp Jańa Jyl keledi. Endeshe, toi qutty bolsyn! Ulys oń bolsyn! Aq mol bolsyn! Uly mereke sizderge tek jaqsylyq ákelsin!
Naýryz keldi, jairań qaqty tań kúlip,
Jap-jasyl bolyp ketti dúnie jańǵyryp.
Jaqsylyqqa jarshy bolǵan Naýryzym!
Sen ómirdiń kóktemisiń máńgilik!
1-júrgizýshi:
Ýa, halaiyq, halaiyq!
Aq sandyqty ashaiyq,
Bul mereke, bul toidyń
Shashýlaryn shashaiyq! (Shashý shashylady). («Qosh keldiń, Jańa jylym!» áni oryndalady)
2- júrgizýshi:
Kontserttik baǵdarlamany bastamas buryn oqýshylardyń aýzynan Naýryz merekesiniń qalai toilanatyny týraly suraiyq:
1-oqýshy: Jańa jylda Qyzyr baba úige kirse, ol úi aýrý-syrqaýdan, pále-jaladan aman bolady degen senimmen Naýryzǵa deiin adamdar úiin qaǵyp-silkip, tazartyp qoiatyn bolǵan.
2-oqýshy: El arasynda 21 naýryz túni dalany Qyzyr baba aralaidy degen ańyz bar. Osyǵan sengen halyq dáýlet daryp, baq qonsyn degen maqsatpen esikterin ashyp qoiady.
3- oqýshy: Bul kúni aýyl boijetkenderi ózderi unatqan jigitterine soǵymnyń etinen pisirilgen «Uiqyashar» dep atalatyn dám daiyndaǵan. Al jigitter qyzdarǵa aina, taraq, iissýdan turatyn syilyqtar syilaǵan. Ony «Seltetkizer», «Diretkizer» dep ataǵan.
4- oqýshy: Naýryz meiramy negizinen adamdardyń kórisýinen bastalady. Jigitter tóńirektegi bulaqtardyń kózin ashyp, bulaq basyna tal ekken. Jańa shyqqa kúnge iilip sálem bergen. Renjisken aǵaiyndar tatýlasqan.
5- oqýshy: Ulystyń uly kúni kem degende jeti túrli dámnen turatyn Naýryz kóje daiyndalady. Naýryz kójege soǵymnan qalǵan súr et, qoidyń basy, qatyq, sút, bidai, tuz, sý qosylady.
Dál osy kezde tómendegi videolardy interaktivti taqtaǵa qoiý kerek:
2-júrgizýshi: Mereke qarsańynda bárimiz birge «Qarajorǵa» biin bileiik! Bir top qyz-jigitter ortaǵa shyǵady, basqalary da qosylyp bileidi.
1-júrgizýshi:
Qutty bolsyn ár kúniń,
Syila, baqyt barshaǵa.
Sábidiń ásem shat únin
Tyńdat abzal anaǵa.
Naýryz – dostyq,
Naýryz – kún.
Barsha halyq birligi.
Taǵy keldi ulys kún.
Jalǵasyp ǵalam tirligi. (Osy jerde «Kórisý» dástúri sahnalanady). Artynan kúi tartylady.
2-júrgizýshi: Naýryz ulttyq mereke bolǵandyqtan, qazaqtyń salt-dástúrleri týraly aityp ketý de durys dep sanaimyz. Endeshe taqtaǵa nazar aýdaryńyzdar(interaktivti taqtadan tómendegi video kórsetiledi):
«Qamajai» bii bilenedi.
1-júrgizýshi: Qurmetti, oqýshylar endi sizderdi qazaqtyń ulttyq oiyndaryn oinaýǵa shaqyramyz. Jeńimpazdarǵa baǵaly syilyqtarymyz bar. Oiyn bastamas buryn ádil-qazylarmen tanystyra keteiik. (Mektep muǵalimderi arasynan qazylar taǵaiyndalady).
1. Asyq oiynynan jarys
2. Arqan tartystan jarys
3. Qol kúresten jarys
4. Naýryz kóje ishýden jarys.
Qazylar jeńimpazdardy anyqtap, syilyqtar tabys etiledi. "Alǵa, qazaq jigitteri" áni oryndalady.
2-júrgizýshi:
Eritip qaryn dalanyń,
Jinatyp gúlin salanyń.
Jetelep jumsaq samalyn,
Keldi Naýryz – jyl basy.
Kúlimdep qarap kúmis kún,
Aspanyń búrkip púlish tún.
Uly kúni Ulystyń,
Keldi Naýryz – jyl basy!
Kezekti qazaqsha kúige bereiik.
Án-shashý. «Naýryz dýman» áni oryndalady.
1-júrgizýshi: Shashý! Shashý!
Kóp shashaiyq shashýdy,
Jaýǵandai kep aspannan nóser jańbyr.
Ýa, jamaǵat, terip al nesibińdi,
Rizyǵyń bolsyn kól – kósir!
2 -júrgizýshi:
Qashanda qut – bereke ornasyn dep,
Toilarda shashý shashý - salty elimniń.
Ýa, halaiyq! Terip al nesibińdi,
Qabyl bolsyn, jamaǵat, aq tileýiń!
(Kesh sońynda ata-analar daiyndap kelgen naýryz kóje taratylady)
