Foto: Akorda.kz
Memleket basshysy Qarjylyq monitoring agenttiginiń tóraǵasy Janat Elimanovty qabyldady, - dep habarlaidy "Ult aqparat" Aqordaǵa silteme jasap.
Prezident Qasym-Jomart Toqaev ózara baǵalaýdyń FATF (aqshany jylystatýǵa qarsy kúrestiń qarjylyq sharalaryn ázirleý toptary) standarttaryna sai sátti ótkeni jóninde málimet berildi. Qazaqstan qylmystyq kiristerdi jylystatýǵa jáne terrorizmdi qarjylandyrýǵa qarsy is-qimyldyń meilinshe tiimdi júiesin kórsetti. Bul otandyq biznestiń transshekaralyq qarjy operatsiialar baqylaýynan ońai ótýine múmkindik beredi.
Sondai-aq halyqaralyq yntymaqtastyqty nyǵaitý jumystary jalǵasyp keledi. Qazaqstan aqshany jylystatýǵa qarsy kúres jónindegi Aziia-Tynyq muhity tobynda baqylaýshy mártebesine ie boldy. Bul osy aimaqtaǵy eldermen qarym-qatynastyń tiimdiligin arttyrady.
Jýyrda Úkimet Kóleńkeli ekonomikaǵa qarsy is-qimyl jónindegi 2023-2025 jyldarǵa arnalǵan keshendi jospardy bekitti. Qujatta saýda, óńdeý ónerkásibi, aýyl sharýashylyǵy, jyljymaityn múlik jáne kólik salalaryndaǵy kóleńkeli operatsiialardyń deńgeiin tómendetý sharalary qamtylǵan.
Janat Elimanovtyń aitýynsha, Agenttik qyzmetiniń nátijesinde jyl basynan beri 94 milliard teńge shyǵyn ótelip, aktivter qaitaryldy, 5 qylmystyq top joiyldy (taǵy 3 is júrgizilip jatyr).
Biýdjet qarjysyn jymqyrý faktileri boiynsha otyn-energetika kesheninde, kommýnaldyq qyzmet kórsetý jáne gaz salasynda birqatar is tergelip jatyr.
Azamattardyń densaýlyǵyn qorǵaý maqsatynda sýrrogat alkogol óndiretin 12 tsehtyń qyzmeti toqtatyldy, elimizge quny 5,3 milliard teńge bolatyn elektrondy temeki ákelýge jol berilmedi.
Zańsyz oiyn biznesine qarsy is-áreketter nátijesinde 11 jasyryn kazino jáne 2 býkmekerlik keńse taratyldy.
Azamattardy alaiaqtyq iske tartýǵa jol bermeý úshin 22 qarjy piramidasynyń qyzmeti toqtatyldy, salymshylarǵa keltirilgen 1,9 milliard teńge shyǵyn óteldi, qarjy piramidalaryn jarnamalaityn 5,3 myńnan astam sait pen akkaýnt buǵattaldy.
Sonymen qatar Agenttiktiń atsalysýymen 14 oblysta áleýmettik mańyzy bar azyq-túlik ónimderiniń 14 túri boiynsha baǵa arzandady.
Kezdesý sońynda Qasym-Jomart Toqaev biznesti qorǵaýǵa, sondai-aq shetelge zańsyz qarajat shyǵarýdyń jáne ulttyq jobalarǵa bólinetin biýdjet qarjysyn jymqyrýdyń jolyn kesýge baǵyttalǵan birqatar tapsyrma berdi.
