Búginigi kúnge deiin tabysynan aiyrylǵan jaǵdaida Memlekettik áleýmettik saqtandyrý qorynan (budan ári – MÁSQ) eń tómengi jalaqy – 42 500 teńge mólsherinde birjolǵy tólem taǵaiyndaýǵa azamattardan 2,4 mln biregei ótinish qabyldandy, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
Tólem 2 mln 158 myń adamǵa taǵaiyndaldy. Aqshalai qarajat 2 mln 142 myń qazaqstandyqqa aýdaryldy.
MÁSQ-tan tólem alýǵa ótinimder birneshe arnalar arqyly qabyldanady. 2,4 mln ótinimniń ishinde:
– 833,8 myń adam proaktivti formatta tólem taǵaiyndaýǵa kelisim berdi;
– 609,3 myń adam Egov.kz portaly jáne telegram-bottar arqyly;
– 347,4 myń adam 42500.enbek.kz portaly arqyly;
– 628,9 myń adam ekinshi deńgeidegi bankterdiń mobildik qosymshalary men internet-resýrstary arqyly ótinish bergen.
Azamattardyń sanattary bólinisinde:
– 833,8 myń ótinish biryńǵai jiyntyq tólem tóleýshilerden berildi (proaktivti formatta);
– 206,7 myń ótinishti jaldamaly qyzmetkerleri úshin jumys berýshiler berdi;
– 1 mln 379 myń ótinish azamattardyń basqa sanattarynan kelip tústi (jeke kásipkerler; jeke praktikamen ainalysatyn adamdar; azamattyq-quqyqtyq sipattaǵy sharttar boiynsha tabys alatyn jeke tulǵalar).
Tólem 2 mln 158 myń adamǵa taǵaiyndaldy. Aqshalai qarajat 2 mln 142 myń qazaqstandyqqa aýdaryldy.
Bul rette Qazaqstan aýmaǵynda karantinniń 2 aptaǵa sozylýyna bailanysty MÁSQ-tan birjolǵy tólem alatyn 799,6 myń adamǵa qosymsha 0,5 eń tómengi jalaqy (budan ári – ETJ) – 21 250 teńge taǵaiyndaldy. Osy baǵyttaǵy jumys jalǵasýda. Jaqyn arada aqshalai qarajat azamattardyń shottaryna aýdarylady.
Buǵan deiin habarlanǵandai, 2020 jyldyń shildesinde MÁSQ-ten birjolǵy tólem alǵan qazaqstandyqtarǵa karantinniń uzartylýyna bailanysty qosymsha aqy avtomatty túrde taǵaiyndalady. Qaita ótinish berýdiń qajeti joq.
Karantin uzartylǵannan keiin birjolǵy tólem taǵaiyndaýǵa alǵash ret ótinish bergen azamattarǵa tólem 1,5 ETJ nemese 63 750 teńge (42 500 + 21 250 teńge) mólsherinde taǵaiyndalady.
Ótinish qabyldaý 2020 jyldyń 1 qyrkúiegine deiin jalǵasady.
