2,1 mln qazaqstandyqqa 42 500 teńgelik tólem berildi, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
«3 tamyzda saǵat 15.00-degi jaǵdai boiynsha shilde aiynda shekteý sharalaryn engizýge bailanysty tabysynan aiyrylǵandarǵa Memlekettik áleýmettik saqtandyrý qorynan eń tómengi jalaqy – 42 500 teńge mólsherinde birjolǵy tólem taǵaiyndaý úshin 2,4 mln biregei ótinish qabyldandy. Tólem 2 mln 140 myń adamǵa taǵaiyndaldy. Aqshalai qarajat 2,1 mln qazaqstandyqqa aýdaryldy», delingen habarlamada.
MÁSQ-tan tólem alýǵa beriletin ótinim birneshe arna arqyly qabyldanady.
2,4 mln ótinimniń ishinde:
– 833,8 myń adam proaktivti formatta tólem taǵaiyndaýǵa kelisim berdi;
– 604,4 myń adam Egov.kz portaly jáne Telegram bottar arqyly;
– 342,8 myń adam 42500.enbek.kz portaly arqyly;
– 625,2 myń adam ekinshi deńgeidegi bankterdiń mobildik qosymshalary men internet resýrstary arqyly ótinish bergen.
Azamattardyń sanattary bólinisinde:
– 833,8 myń ótinish biryńǵai jiyntyq tólem tóleýshilerden berildi (proaktivti formatta);
– 202,8 myń ótinishti jaldamaly qyzmetkerleri úshin jumys berýshiler berdi;
– 1 mln 369,6 myń ótinish azamattardyń basqa sanattarynan kelip tústi (jeke kásipkerler; jeke praktikamen ainalysatyn adamdar; azamattyq-quqyqtyq sipattaǵy sharttar boiynsha tabys alatyn jeke tulǵalar).
Tólem 2 mln 140 myń adamǵa taǵaiyndaldy. Aqshalai qarajat 2,1 mln qazaqstandyqqa aýdaryldy.
Esterińizge sala keteiik, Memleket basshysynyń tapsyrmasy boiynsha 2020 jyldyń shilde aiynda karantindik sharalardyń engizilýine bailanysty jumys istep jatqan qazaqstandyqtarǵa tabysy tolyq joǵalǵan jaǵdaida bir eń tómengi jalaqy – 42 500 teńge mólsherinde birjolǵy tólem júzege asyrylady.
Jalaqy saqtalmaityn demalysqa jiberilgen jaldamaly qyzmetkerler úshin ótinimdi tek jumys berýshi ǵana beretindigin atap ótý qajet. Jumys berýshilerden (zańdy jáne jeke tulǵalardan) ótinishter 19 shildeden bastap qabyldanady.
Ótinish qabyldaý 2020 jyldyń 1 qyrkúiegine deiin jalǵasady.
