21 kompaniia qurylys materialdary boiynsha monopoliiaǵa qarsy organnyń habarlamalaryn oryndady, dep habarlaidy "Ult aqparat".
Memleket basshysynyń qurylys materialdary naryqtarynda sharalar qabyldaý jónindegi tapsyrmasyn oryndaý aiasynda Básekelestikti qorǵaý jáne damytý agenttiginiń aýmaqtyq bólimsheleri eldiń barlyq óńirlerindegi qurylys materialdary naryqtarynda baǵanyń kóterilýiniń negizdiligine monopoliiaǵa qarsy taldaý júrgizýdi jalǵastyrýda.
Búgingi tańda qurylys materialdarynyń 25 naryǵy taldanýda.
Taldaýǵa qurylys materialdaryn óndirýdi jáne kóterme jetkizýdi júzege asyratyn 1000-nan astam naryq sýbektisi qamtylǵan.
Jalpy, baǵanyń tómendetý boiynsha 57 habarlama shyǵaryldy.
Osy jyldyń 1 maýsymy men 15 shildesi aralyǵynda BQDA-nyń aýmaqtyq monopoliiaǵa qarsy departamentteri qurylys materialdaryn óndirýshiler men kóterme jetkizýshilerge qurylys materialdarynyń 13 túri boiynsha (armatýra, kirpish, tabaq shyny, beton, betonnan jasalǵan qabyrǵa blogy, tsement, kabel, proflist, qadalar, jabyn plitasy, polietilendi qubyrlar, min.plita, gaz bloktary) 700-ge jýyq suranys jiberdi. 16 shildeden bylai qarai qurylys materialdaryn óndirýshilerge taǵy qosymsha 349 jańa suranys joldandy.
Aýmaqtyq departamentter qurylys materialdary naryǵy sýbektilerine qatysty júrgizgen taldaýlar nátijesinde, buzýshylyq belgilerin joiý jáne baǵany tómendetý qajettiligi týraly 57 habarlama shyǵardy:
- 15 kirpish boiynsha Nur-sultan (4), Shymkent (1) qalalarynda, Aqmola (4), Túrkistan (3), Qyzylorda oblystarynda (3);
- 15 tsement boiynsha Shymkent q. (2), Aqmola (4), Túrkistan (2), Aqtóbe (2), Shyǵys Qazaqstan (2), Jambyl (2), Qyzylorda oblystarynda(1);
- 12 armatýra boiynsha Pavlodar (3), Shyǵys Qazaqstan (2), Atyraý (2), Soltústik Qazaqstan (2), Jambyl (1), Qostanai (1), Batys Qazaqstan oblystarynda (1);
- 4 beton boiynsha Shyǵys Qazaqstan (2), Qyzylorda oblystarynda (2);
- 3 polietilen qubyrlary boiynsha Aqmola (2), Batys Qazaqstan oblystarynda (1);
- 2 qiyrshyq tas boiynsha Almaty oblysynda;
- 2 shveller boiynsh Shyǵys Qazaqstan (1) jáne Almaty q. (1);
- 1 kabel boiynsha Batys Qazaqstan oblysynda;
- 1 shyny boiynsha Qaraǵandy oblysynda;
- 1 betonnan jasalǵan qabyrǵa blogy boiynsha Soltústik Qazaqstan oblysynda;
- 1 parket taqtalary boiynsha Almaty q;
Búgingi kúni 21 kompaniia habarlamany oryndady, onyń ishinde mynalarǵa baǵany tómendetý arqyly:
- tsementke Aqmola oblysyndaǵy («Firma Stroitelnyi Dvor» JShS, «Baza VostokStroi» JShS, JK «Dvortsevaia e. v.», JK «Egorov p. n.») 32 000-nan 27 000 teńgege deiin;
- armatýraǵa Shyǵys Qazaqstan oblysyndaǵy («Beakris-Metall» JShS) 460-tan 441 myń teńgege deiin jáne («Titan-Vostok» JShS) 438-den 350 myń teńgege deiin;
- shvellerlerge Shyǵys Qazaqstan oblysyndaǵy («PKF «Titan« JShS) 360-tan 350 myń teńgege deiin;
- polietilendi qubyrlarǵa Aqmola oblysyndaǵy (»Tynys« AQ) 1 952 teńgeden 1 430 teńgege deiin (»Arystan «Stepnogorsk qubyr zaýyty» JShS) 2 081 teńgeden 1 962 teńgege deiin;
- qiyrshyq tasqa Almaty oblysyndaǵy («Kentas» JShS, «AQNM»JShS) tekshe metrine 1 650-den 1 200-ge deiin;
- kabelge Batys Qazaqstan oblysyndaǵy («OK Oral Kabel» JShS) 5-ten 14%-ǵa deiin tómendetti.
Sondai-aq, Shymkent qalasy men Shyǵys Qazaqstan oblysynda kelisilgen is-qimyl belgileri boiynsha armatýrany jetkizýshi «Mechel-Servis Kazahstan» JShS-ne qatysty tergeý taǵaiyndaldy.
Tsement («kompaniia Gejýba Shieli Tsement» JShS, «Central Asia Cement» AQ, «Áýlie-Ata tsement» JShS, «Áýlie-ata tsement grýp» JShS), kirpish («D.D. A.» JShS, «Shalkibaev» JK), qiyrshyq tas («Aqtas» JShS, «Keramik invest» JShS), beton jáne temirbeton buiymdaryn («Nur-Stroi LTD» JShS, «BatysAliansStroi» JShS) 10 óndirýshi jáne jetkizýshilermen monopoliiaǵa qarsy zańnama normalaryn saqtaý jáne baǵany tómendetý týraly komplaens jasaldy.
Monopoliiaǵa qarsy komplaens aiasynda Qaraǵandy oblysy boiynsha tsement óndirýshi «Central Asia Cement» AQ osy jyldyń 20 shildesinen bastap baǵany 7%-ǵa tómendetti.
