2050 jylǵa qarai Qazaqstanda 65 jastan asqan adamdardyń sany eki ese artady, dep habarlaidy "Ult aqparat" BUU Halyqtyń qonystaný salasyndaǵy qorynyń Qazaqstandaǵy ókildigine silteme jasap.
BUU-nyń Qazaqstandaǵy halyq qonystanýy salasyndaǵy keńsesi (IýNFPA) Qazaqstandaǵy qart adamdardyń jaǵdaiy men qajettilikterine jáne belsendi uzaq ómir súrý indeksine zertteý júrgizdi.
«Zertteý nátijeleri Qazaqstannyń halyqtyń demografiialyq qartaiýynyń salystyrmaly erte satysynda ekenin kórsetti. 2050 jylǵa qarai 65 jastan asqan adamdardyń sany 2019 jylmen salystyrǵanda eki ese artady (1,4-ten 3,4 million adamǵa deiin), al olardyń jalpy halyq sanyndaǵy úlesi 2019 jylǵy 7,5%-dan 2050 jyly 14%-ǵa deiin artatynyn anyqtady. Zertteý barysynda 55 jáne odan joǵary jastaǵy 2000 respondentten, memlekettik organdar men azamattyq qoǵam ókilderinen turatyn 20 sarapshydan saýalnama alyndy, olar Qazaqstanda alǵash ret Belsendi uzaq ómir súrý indeksin (BUI) esepteý úshin paidalanyldy. Budan basqa, IýNFPA Qazaqstanǵa qoldanylatyn laiyqty, salaýatty jáne belsendi uzaq ómir súrý salasyndaǵy halyqaralyq saiasatqa taldaý jasady», - deidi Qazaqstandaǵy IýNPFA ókildigi.
Belsendi uzaq ómir súrý indeksiniń (BUI) jiyntyq máni boiynsha Qazaqstan 30 eldiń ishinde 9-shy orynda tur. Onyń eń jaqyn kórshileri Frantsiia men Estoniia bolyp tur. Qazaqstannyń Belsendi uzaq ómir súrý indeksi boiynsha reiting kóshbasshysy – Shvetsiianyń indeksinen 8,8-t.t. az jáne kerisinshe, EO-tyń 28 eli ishinde BUI ortasha máninen 2,6 t.t. joǵary.
Qolaily orta men belsendi uzaq ómir súrý úshin múmkindikter domenindegi osyndai joǵary pozitsiialarǵa eń aldymen, Qazaqstannyń qart azamattarynyń joǵary bilim deńgeii arqasynda qol jetkizilgen.
Bul kórsetkish boiynsha respýblika kóptegen Eýropa elderi men Reseiden ozyp tur.
«2008 jylmen salystyrǵanda egde adamdardyń qarjylyq jaǵdaiynyń jaqsarýyna qaramastan, birqatar problemalar saqtalýda. Mysaly, árbir 5-shi egde jastaǵy qazaqstandyq qiyn qarjylyq jaǵdaida bolyp otyr. Meditsinalyq qyzmetter qoljetimdi bolýy kerek dep sanaityn respondentterdiń úlesi 2008 jylǵy 35%-dan 2020 jyly 48%-ǵa deiin ósti. 2008 jyly egde jastaǵy adamdardyń 45%-y qoǵamda qarttarǵa qatysty zorlyq-zombylyq bar dep málimdese, 2020 jyly bul kórsetkish 61%-ǵa deiin ósken», - deidi Qazaqstandaǵy IýNPFA ókildigi.
