Foto: Forbes.kz
2030 jylǵa qarai elimizdegi kinoóndiriste otandyq filmderdiń úlesi 35 paiyzǵa jetedi. Osyǵan orai Astanada QR Mádeniet jáne aqparat ministrligi, «Qazaqfilm» kinostýdiiasy jáne Ulttyq kinony qoldaý ortalyǵy ókilderiniń qatysýymen otandyq kinoindýstriiany damytý taqyrybynda brifing ótti, dep habarlaidy Ult.kz.
Jyl sońyna deiin alty kino joba, onyń ishinde animatsiialyq jáne derekti filmder jaryqqa shyǵarylady. Negizgi basymdyq — jas rejisserlerdi, avtorlyq kino men animatsiiany qoldaýǵa beriledi.
QR Mádeniet jáne aqparat ministrliginiń kinematografiia basqarmasynyń basshysy Ǵani Muratovtyń aitýynsha, animatsiia — mádeni damýdyń mańyzdy bóligi. Osy salany qaita jandandyrý maqsatynda «Qazaqanimatsiia» bólimin Astana qalasyna kóshirý týraly sheshim qabyldanǵan.
«Bárimizge málim, innovatsiialyq tehnologiialardy engizý men kreativti jobalardy qarjylandyrý úderisteri elordada qarqyndy júrip jatyr. Astanada jyl saiyn TMD elderiniń gik-mádeniet festivali – Comic Con ótedi, Kreativti indýstriialar qoryn qurý josparlanýda. Sondai-aq, elordada «Habar», «Qazaqstan» telearnalary men balalar men jasóspirimderge arnalǵan jalǵyz memlekettik arna – «Balapan» ornalasqan. «Qazaqanimatsiia» osy infraqurylym men resýrstardy tiimdi paidalanyp, animatsiia salasyn damytýǵa tiis», — dedi Ǵani Muratov.
Keiingi alty jyl ishinde ministrlik pen Ulttyq kinony qoldaý ortalyǵynyń qoldaýymen 117 kino joba júzege asyrylǵan. Salany júieli damytý maqsatynda 2024 jyly kino jobalardy irikteý tártibine ózgerister engizildi. Endi avtorlarǵa basym taqyryptar usynylyp, stsenarii jazýǵa eki ai merzim beriledi. Patriotizmdi, adamgershilik pen rýhaniiatty nasihattaityn tarihi filmderge erekshe nazar aýdarylýda. Saraptamalyq keńestiń qaraýynan keiin jobalar pitching — ashyq qorǵaý kezeńine ótedi.
«Biylǵy irikteýdiń birinshi kezeńine 444 ótinim kelip tústi. Olardyń 357-si Saraptamalyq keńeske joldandy. Keńes jobalar taqyrybynyń ózektiligine, stsenarii tujyrymdamasyna, dramatýrgiialyq qurylymyna jáne keiipkerler beinesiniń ashylýyna erekshe nazar aýdardy. Nátijesinde 128 joba ekinshi kezeńge ótti. Búgin osy brifing aiasynda resmi túrde habarlaimyn: maýsym aiynda ótetin pitchingke 99 kino joba joldama aldy», — dedi «Ulttyq kinony qoldaý memlekettik ortalyǵy» KEAQ basqarma tóraǵasy Qurmanbek Jumaǵali.
Sonymen qatar, «Qazaqfilm» kinostýdiiasynda aýqymdy jańǵyrtý jumystary júrgizilýde. Túsken tabystyń artýy men shyǵyndardy ońtailandyrý nátijesinde kinostýdiia 2024 jyly sońǵy jeti jylda alǵash ret ózin-ózi qarjylandyrý deńgeiine jetti. Sondai-aq sońǵy 15 jyl ishinde alǵash ret stýdiiada kúrdeli jóndeý jumystary bastaldy.
2024 jyly «Qazaqfilm» qamqorlyǵymen «Eýraziia» halyqaralyq kinofestivali qaita jandandy. Memleket qarjysy esebinen tórt filmniń túsirilimi aiaqtaldy, taǵy eki joba kommertsiialyq negizde júzege asty.
«Bolashaqta kommertsiialyq baǵyttaǵy filmderge basymdyq beriledi. Prokattan túsetin kiristiń 5-10 paiyzy kinostýdiianyń ǵimarattaryn kúrdeli jóndeýge jáne injenerlik jelilerdi jańartýǵa baǵyttalady. Bul — sońǵy 30 jylda alǵash ret infraqurylymǵa turaqty investitsiia tartý tetiginiń iske qosylýy. Kinostýdiia mádeni murany saqtaý, mazmundy filmder jasaý jáne jas talanttardy qoldaý missiiasyna árdaiym adal. Sonymen qatar, biz tehnologiiaǵa, infraqurylymǵa jáne seriktestikke investitsiia sala otyryp, bolashaqqa senimmen qaraimyz», — dedi «Qazaqfilm» kinostýdiiasynyń prezidenti mindetin atqarýshy Aidar Omarov.
