Foto: ashyq derekkóz
2026 jylǵy 1 qańtardan bastap Qazaqstanda jańa Salyq kodeksi qoldanysqa engizildi. Soǵan sáikes arnaýly salyq rejimderiniń sany úshke deiin qysqartyldy, dep habarlaidy Ult.kz.
QR Qarjy ministrligi Memlekettik kirister komiteti kásipkerlerge qandai rejimder qarastyrylǵanyn jáne qandai jaǵdaida 2026 jylǵy 1 naýryzǵa deiin salyq rejimin tańdaý týraly habarlama berý qajet ekenin túsindirdi.
Jańa Salyq kodeksinde kelesi úsh arnaýly salyq rejimi kózdelgen: ózin-ózi jumyspen qamtyǵandar úshin; ońailatylǵan deklaratsiia negizindegi rejim; sharýa jáne fermer qojalyqtary úshin.
"Jańa Salyq kodeksi aiasynda arnaýly salyq rejimderiniń sany qysqartyldy, iaǵni olar úshke deiin ońtailandyryldy. Buǵan deiin olardyń sany jeti bolǵan. Qazirgi tańda úsh arnaýly salyq rejimi qaldy. Birinshisi – ońailatylǵan deklaratsiia negizindegi arnaýly salyq rejimi. Ekinshisi – ózin-ózi jumyspen qamtyǵandarǵa arnalǵan arnaýly salyq rejimi. Úshinshisi – sharýa jáne fermer qojalyqtaryna arnalǵan arnaýly salyq rejimi", — dep atap ótti QR QM Memlekettik kirister komitetiniń Arnaýly salyq rejimderin ákimshilendirý basqarmasynyń basshysy Erqanat Shyńbergen.
Kásipkerler neni bilýi tiis:
1. Ońailatylǵan deklaratsiia negizindegi ASR
🔹 Osy rejimdi qoldanýdy josparlap otyrǵan salyq tóleýshiler 2026 jylǵy 1 naýryzǵa deiin qoldanylatyn salyq salý rejimi týraly habarlama usynýy qajet.
🔹 Eger kórsetilgen merzimde habarlama usynylmasa, salyq tóleýshiler 2026 jylǵy 1 qańtardan bastap avtomatty túrde jalpyǵa birdei belgilengen salyq salý tártibine aýystyrylady.
Habarlamany:
🟦Salyq tóleýshiniń kabineti (AJ SÁIJ júiesinde «Qujattardy tapsyrý» — «Qoldanylatyn salyq salý rejimi týraly habarlama» bólimi).
🟦«E-Salyq Business» arnaiy mobildi qosymshasy arqyly («Qyzmet» — «JK salyq salý rejimin ózgertý» bólimi).
🟦Qaǵaz nusqada ornalasqan jeri boiynsha MKB arqyly;
🟦Bankterdiń mobildi qosymshalary arqyly (qazirgi ýaqytta bul servis Kaspi Bank qosymshasynda «Memlekettik qyzmetter» — «JK rekvizitteri men salyq rejimin ózgertý» bóliminde iske asyrylǵan) berýge bolady.
2. Ózin-ózi jumyspen qamtyǵandarǵa arnalǵan arnaýly salyq rejimine kóshý
🔹 2026 jylǵy 1 naýryzdan bastap salyq organdary 2025 jyly patent negizindegi ASR nemese arnaiy mobildi qosymshasy arqyly ASR qoldanǵan salyq tóleýshilerdi JK retinde esepten avtomatty túrde shyǵarady.
🔹 Esepten shyǵarý kúni retinde 2026 jylǵy 1 qańtar tanylady, bul rette salyq tóleýshiniń esepten shyǵý týraly ótinishti óz betinshe berý quqyǵy saqtalady.
🔹 Eger salyq tóleýshi qoldanylatyn salyq salý rejimi týraly habarlama tapsyryp, ózge rejimdi tańdaǵan jaǵdaida, esepten shyǵarý júrgizilmeidi. Bul rette ózin-ózi jumyspen qamtyǵandarǵa arnalǵan ASR qoldana bastalǵan kúni retinde «E-Salyq Business» mobildi qosymshasynda alǵashqy chek qalyptastyrylǵan kúnnen tanylady.
3. Sharýa jáne fermer qojalyqtary (ShFQ) úshin arnaýly salyq rejimine kóshý
🔹 Atalǵan rejimge kóshý 2026 jylǵy 1 naýryzǵa deiin salyq organdary arqyly avtomatty túrde júzege asyrylady jáne habarlama tapsyrýdy talap etpeidi.
