فوتو: اشىق دەرەككٶز
2026 جىلعى 1 قاڭتاردان باستاپ قازاقستاندا جاڭا سالىق كودەكسٸ قولدانىسقا ەنگٸزٸلدٸ. سوعان سەيكەس ارناۋلى سالىق رەجيمدەرٸنٸڭ سانى ٷشكە دەيٸن قىسقارتىلدى, دەپ حابارلايدى Ult.kz.
قر قارجى مينيسترلٸگٸ مەملەكەتتٸك كٸرٸستەر كوميتەتٸ كەسٸپكەرلەرگە قانداي رەجيمدەر قاراستىرىلعانىن جەنە قانداي جاعدايدا 2026 جىلعى 1 ناۋرىزعا دەيٸن سالىق رەجيمٸن تاڭداۋ تۋرالى حابارلاما بەرۋ قاجەت ەكەنٸن تٷسٸندٸردٸ.
جاڭا سالىق كودەكسٸندە كەلەسٸ ٷش ارناۋلى سالىق رەجيمٸ كٶزدەلگەن: ٶزٸن-ٶزٸ جۇمىسپەن قامتىعاندار ٷشٸن; وڭايلاتىلعان دەكلاراتسييا نەگٸزٸندەگٸ رەجيم; شارۋا جەنە فەرمەر قوجالىقتارى ٷشٸن.
"جاڭا سالىق كودەكسٸ اياسىندا ارناۋلى سالىق رەجيمدەرٸنٸڭ سانى قىسقارتىلدى, ياعني ولار ٷشكە دەيٸن وڭتايلاندىرىلدى. بۇعان دەيٸن ولاردىڭ سانى جەتٸ بولعان. قازٸرگٸ تاڭدا ٷش ارناۋلى سالىق رەجيمٸ قالدى. بٸرٸنشٸسٸ – وڭايلاتىلعان دەكلاراتسييا نەگٸزٸندەگٸ ارناۋلى سالىق رەجيمٸ. ەكٸنشٸسٸ – ٶزٸن-ٶزٸ جۇمىسپەن قامتىعاندارعا ارنالعان ارناۋلى سالىق رەجيمٸ. ٷشٸنشٸسٸ – شارۋا جەنە فەرمەر قوجالىقتارىنا ارنالعان ارناۋلى سالىق رەجيمٸ", — دەپ اتاپ ٶتتٸ قر قم مەملەكەتتٸك كٸرٸستەر كوميتەتٸنٸڭ ارناۋلى سالىق رەجيمدەرٸن ەكٸمشٸلەندٸرۋ باسقارماسىنىڭ باسشىسى ەرقانات شىڭبەرگەن.
كەسٸپكەرلەر نەنٸ بٸلۋٸ تيٸس:
1. وڭايلاتىلعان دەكلاراتسييا نەگٸزٸندەگٸ اسر
🔹 وسى رەجيمدٸ قولدانۋدى جوسپارلاپ وتىرعان سالىق تٶلەۋشٸلەر 2026 جىلعى 1 ناۋرىزعا دەيٸن قولدانىلاتىن سالىق سالۋ رەجيمٸ تۋرالى حابارلاما ۇسىنۋى قاجەت.
🔹 ەگەر كٶرسەتٸلگەن مەرزٸمدە حابارلاما ۇسىنىلماسا, سالىق تٶلەۋشٸلەر 2026 جىلعى 1 قاڭتاردان باستاپ اۆتوماتتى تٷردە جالپىعا بٸردەي بەلگٸلەنگەن سالىق سالۋ تەرتٸبٸنە اۋىستىرىلادى.
حابارلامانى:
🟦سالىق تٶلەۋشٸنٸڭ كابينەتٸ (اج سەيج جٷيەسٸندە «قۇجاتتاردى تاپسىرۋ» — «قولدانىلاتىن سالىق سالۋ رەجيمٸ تۋرالى حابارلاما» بٶلٸمٸ).
🟦«E-Salyq Business» ارنايى موبيلدٸ قوسىمشاسى ارقىلى («قىزمەت» — «جك سالىق سالۋ رەجيمٸن ٶزگەرتۋ» بٶلٸمٸ).
🟦قاعاز نۇسقادا ورنالاسقان جەرٸ بويىنشا مكب ارقىلى;
🟦بانكتەردٸڭ موبيلدٸ قوسىمشالارى ارقىلى (قازٸرگٸ ۋاقىتتا بۇل سەرۆيس Kaspi Bank قوسىمشاسىندا «مەملەكەتتٸك قىزمەتتەر» — «جك رەكۆيزيتتەرٸ مەن سالىق رەجيمٸن ٶزگەرتۋ» بٶلٸمٸندە ٸسكە اسىرىلعان) بەرۋگە بولادى.
2. ٶزٸن-ٶزٸ جۇمىسپەن قامتىعاندارعا ارنالعان ارناۋلى سالىق رەجيمٸنە كٶشۋ
🔹 2026 جىلعى 1 ناۋرىزدان باستاپ سالىق ورگاندارى 2025 جىلى پاتەنت نەگٸزٸندەگٸ اسر نەمەسە ارنايى موبيلدٸ قوسىمشاسى ارقىلى اسر قولدانعان سالىق تٶلەۋشٸلەردٸ جك رەتٸندە ەسەپتەن اۆتوماتتى تٷردە شىعارادى.
🔹 ەسەپتەن شىعارۋ كٷنٸ رەتٸندە 2026 جىلعى 1 قاڭتار تانىلادى, بۇل رەتتە سالىق تٶلەۋشٸنٸڭ ەسەپتەن شىعۋ تۋرالى ٶتٸنٸشتٸ ٶز بەتٸنشە بەرۋ قۇقىعى ساقتالادى.
🔹 ەگەر سالىق تٶلەۋشٸ قولدانىلاتىن سالىق سالۋ رەجيمٸ تۋرالى حابارلاما تاپسىرىپ, ٶزگە رەجيمدٸ تاڭداعان جاعدايدا, ەسەپتەن شىعارۋ جٷرگٸزٸلمەيدٸ. بۇل رەتتە ٶزٸن-ٶزٸ جۇمىسپەن قامتىعاندارعا ارنالعان اسر قولدانا باستالعان كٷنٸ رەتٸندە «E-Salyq Business» موبيلدٸ قوسىمشاسىندا العاشقى چەك قالىپتاستىرىلعان كٷننەن تانىلادى.
3. شارۋا جەنە فەرمەر قوجالىقتارى (شفق) ٷشٸن ارناۋلى سالىق رەجيمٸنە كٶشۋ
🔹 اتالعان رەجيمگە كٶشۋ 2026 جىلعى 1 ناۋرىزعا دەيٸن سالىق ورگاندارى ارقىلى اۆتوماتتى تٷردە جٷزەگە اسىرىلادى جەنە حابارلاما تاپسىرۋدى تالاپ ەتپەيدٸ.
