Foto: Almaty.tv
Keler jyly Qazaqstannyń 11 mádeni eskertkishi IýNESKO-nyń tizimine enedi dep josparlanyp otyr, dep habarlaidy Ult.kz.
QR Mádeniet jáne aqparat ministri Aida Balaevanyń aitýynsha, qazir elimiz boiynsha irili-usaq 25 myńnan asa eskertkish bar. Onyń tek 10-y ǵana búkilálemdik mura tizimine engen. Jergilikti organdar tarihi jádigerlerdi kútip ustaýǵa, jańǵyrtýǵa, týrist tartýǵa qulyqsyz. Sondyqtan olardy álemdik deńgeide dáripteý qiynǵa soǵyp jatyr. Aida Balaeva tarihi eskertkishterdi álemdik standarttarǵa sáikestendirip, olardyń mańyzyn arttyrý úshin 7 ministrlik birlese jumys isteýi kerek dedi.
Mádeni muralardy damytýdyń ekinshi baǵyty IýNESKO-nyń konvessiialyq qaǵidattaryna sáikes materialdyq emes muralar. Oǵan halqymyzdyń dástúrlerin, óner muralaryn jáne basqalardy jatqyzýǵa bolady. Qazir ministrlik joiylý qaýpi tónip turǵan elementterdi túgendeý jáne álemdik deńgeide jańǵyrtý boiynsha aýqymdy jumystardy qolǵa alǵan.
«IýNESKO-nyń 2024 jyly bólgen granty erekshe mańyzǵa ie, ol 5 pilottyq salada praktikalyq sheshimderdi engizýge baǵyttalǵan. Jaqynda ǵana bizdiń erekshe dástúrimiz – «Betashar» rásiminiń mádeni mańyzdylyǵy halyqaralyq deńgeide tanyldy. Taiaýda «Salburyn» men «Alpamys batyr» nominatsiialary boiynsha qujattar ázirlenip, IýNESKO qaraýyna usynylady», - dedi Aida Balaeva.
