Tsifrlyq damý, innovatsiialar jəne aeroǵarysh ónerkəsibi ministri Baǵdat Mýsin «Proton» zymyran-tasyǵyshy ushyrý qai jyly tolyqtai toqtaitynyn aitty, dep habarlaidy QazAqparat.
Resei tarapy «Baiqońyr» ailaǵynan «Protondy» ushyrýdy qysqartyp jatyr.
«Jalpy, «Proton» zymyran-tasyǵyshyn ushyrýdy qysqartýǵa toqtalsaq, 2016 jyly tiisti ýaǵdastyqqa qol jetkizildi. Osy oraida jyl saiyn «Proton» zymyran-tasyǵyshy bes retten artyq paidalanylmaityny jáne 2026 jylǵa qarai bul zymyrandardy paidalaný tolyqtai toqtatylatyny eskerilgen», - dedi ministr depýtattardyń saýalyna jaýap bere otyryp.
Onyń sózine qaraǵanda, 2020 jyly «Proton» zymyran-tasyǵyshy bir ret ushyrylǵan. Al 2021 jylǵa atalǵan zymyran-tasyǵysh boiynsha Reseidiń jospary ázirge usynylmaǵan.
«Qazir jylyna bes ret paidalaný kórsetkishine jetpeidi. Olar bul zymyran-tasyǵyshtardy ushyrýdy ózderi qysqartyp jatyr», - dedi Baǵdat Mýsin.
