Foto: ashyq derekkóz
2026 jylǵy 1 qańtardan bastap pasport, júrgizýshi kýáligi jáne basqa da qujattardy rásimdeý quny ósedi, dep habarlaidy Ult.kz.
Buǵan ailyq eseptik kórsetkish (AEK) mólsheri 3 932 teńgeden 4 325 teńgege kóterilýi sebep bolyp otyr. Bul kórsetkish Prezident Qasym-Jomart Toqaev qol qoiǵan 2026-2028 jyldarǵa arnalǵan memlekettik biýdjette bekitilgen.
2026 jyly jańa AEK-ke bailanysty qujattardy rásimdeýge arnalǵan memlekettik baj da qymbattaidy.
- 16 jasqa deiingi balaǵa arnalǵan pasport (24 bet) - 17 300 teńge (4 AEK). 2025 jyly bul - 15 728 teńge.
- Qarapaiym pasport (36 bet) - 34 600 teńge (8 AEK). 2025 jyly bul - 31 456 teńge.
- 48 bettik pasport - 51 900 teńge (12 AEK). 2025 jyly bul - 47 184 teńge.
- Jeke kýálik - 865 teńge (0,2 AEK). 2025 jyly bul - 786 teńge.
- Jeke kýálik bir jylda eki retten kóp joǵalsa, 1 AEK (4 325 teńge) tóleý qajet.
- Júrgizýshi kýáligin rásimdeý 5 406 teńge (1,25 AEK) bolady.
- Qańtardan bastap nekeni tirkeý quny da ósedi, kýáliktiń baǵasy 4 325 teńge (1 AEK) bolady.
- Erli-zaiypty ajyrasqysy kelse, memlekettik baj 8 650 teńgege (2 AEK) deiin ósedi. 2025 jyly 7 864 teńge boldy. Iaǵni nekeni rásimdeýden eki ese qymbat.
- Týý týraly kýálik burynǵydai tegin. Biraq ony qaita rásimdeý qajet bolsa (mysaly joǵalǵan jaǵdaida), 0,5 AEK, iaǵni 2 163 teńge tólenedi.
Kimder memlekettik bajdan bosatylady?
Keibir azamattar qujatty tegin rásimdei alady. Olar:
- el batyrlary jáne joǵary memlekettik nagradalary bar tulǵalar;
- qurmetti ataǵy bar kópbalaly analar;
- soǵys ardagerleri;
- múmkindigi shekteýli adamdar jáne múgedektigi bar balalardyń ata-analary;
- áleýmettik mekemelerde turatyn qarttar;
- jetim balalar jáne tolyq memlekettik qamqorlyqtaǵy balalar;
- Chernobyl apatynan zardap shekkender.
