Foto: Almas Nahypbektiń jeke muraǵatynan
2026 jyly áleýmettik jelilerde algoritmder odan ári jekelendiriledi: TikTok, YouTube jáne Instagram paidalanýshynyń qyzyǵýshylyǵyn tereń taldap, shaǵyn aýditoriiaǵa dál baǵyttalǵan kontentti kóbirek usynady. JI-kontent kúsheiedi – mátin, video, daýys jáne montajdy JI arqyly jasaý qalypty úrdiske ainalady. Blogerlikte qysqa, interaktivti formattar (live-shoping, JI-avatarlar, qaýymdastyqqa arnalǵan jabyq kontent) keń taraidy. Shynaiylyq pen paidaly mikro-kontent negizgi trend bolady. Jalpy jańa tehnologiialardyń jańalyǵy týraly Ult.kz tilshisine Digital-maman, targetolog Almas Nahypbek áńgimelep berdi.
– 2026 jyly TikTok, YouTube, Instagram siiaqty platformalardyń algoritmderi qalai ózgerýi múmkin jáne bul kontent jasaýshylarǵa qandai áser etedi?
– Barlyq áleýmettik jeliniń maqsaty bir - qoldanýshyny sol platformada uzaq ustaý ári sol arqyly paida tabý. Algoritmder jyl saiyn qoldanýshylardyń áreketterin zerttei otyryp, jańalyqtar engizip otyrady. Joǵaryda aityp ótkenimdei, barlyq ózgeristiń maqsaty qoldanýshyny barynsha platformada uzaq ustaýǵa alyp keledi.
Instagramda bolýy múmkin ózgerister:
- instagramda post, storis degen nárse ketip, tek reels qana qalý shansy óte joǵary. Alaida, mindetti emes. Poka tek, beta test formatta aýditoriiasy úlken blogerlerge baiqap kórýge usynyp jatyr. Bul jańalyq tolyqtai kontent jasaý, instagram júrgizý, kontent voronkasyn qurý formattaryn ózgertedi. Infobiznes jáne kontent arqyly biznesine tutynýshy alyp kelip otyrǵan biznesterge áser etedi
- Instagram algoritmi saqtaýlar men direct arqyly bólisýlerdi laiktardan basym qoiady, video kontent fotolardan 2.5 ese artyq ohvat alatyn bolady. Rilstardiń uzaqtyǵy 7-12 sekýndqa qysqarady, al alǵashqy 3 sekýndta kórermendi ustaityn videolarǵa ohvat 40% -ǵa kóp beriletin bolady. JI arqyly paidalanýshynyń minez-qulqyn taldap, giper-personalizatsiia jasaidy, al mikro-interaktivter (saýalnama, suraqtar) ohvatty 45%-ǵa arttyratyn bolady.
Tiktokta bolýy múmkin ózgerister:
- tiktokta negizgi basymdylyq tikelei efirlerge qoiylyp jatyr. Barynsha qoldanýshylardy tikelei efir júrgizýge, strim jasaýǵa itermeleitin fýnktsiialar kóbeie túsedi. Ózderi de sol efirlerdi prodvijenie jasaýdy kóbeite túsedi. Eger tiktok qoldanýshysy bolsańyz, ár 3-4 videodan keiin tikelei efirler shyǵatynyn baiqaǵan shyǵarsyz. Osy baǵytqa qarai jumys jasaý kerektigin, aitpasa da túsinikti shyǵar.
- TikTok AI quraldary (Symphony) basym bolady, video uzaqtyǵy 3-5 minýtqa uzarady, kommertsiia integratsiiasy kúsheiedi (TikTok Shop). Algoritm tereń qarym-qatynasqa (kommentariiler, qaita kórý, jergilikti kontent) basymdyq beredi, al jalpy trendter men qysqa bi videolarynyń ohvattaryn 60%-ǵa tómendetedi. Jasandy intellekt 60-70% kontent óndirisin qamtidy.
Iýtýbta bolýy múmkin ózgerister:
- Algoritm youtube-qa jazylýǵa qaraǵanda jeke qyzyǵýshylyqtar men retention-ǵa (AVD - avarage view duration, oqyrmandar qanshalyqty sizdiń kanalyńyzdy qaraityn kórsetkish jáne qaralym ýaqytyna) negizdeledi, izdeý arqyly tabylý (ASQ, RSP) mańyzy qalady. Shaǵyn iýtýb kanaldarda ashyq tabylý jeńildeidi, sebebi nisha fokýstary jáne "viewer journey" (video tizbegi) ósý úshin qajet. JI kontentti taldap, sipattama jazý men taqyryptardy usynýdy jeńildetedi.
– Jasandy intellekt arqyly jasalǵan mátin, video jáne sýret kontentiniń kóbeiýi blogerlik indýstriiaǵa qalai yqpal etedi?
– Jasandy intellekt arqyly kontent jasaý óte jyldam tanymal, ári óte qoljetimdi bolyp keledi. Blogerlik indýstriia bul úrdisten tek utady. Onyń kómegimen blogerler jumystarynyń kóp bóligin avtomattandyra alady. Mysaly:
kontent oilastyrý: 4-6 aiǵa kontenttiń josparyn nebári birneshe kúnde jasap, jańa ideia izdeý problemasynan qutylady;
video túsirý, storis júrgizý, rils jasaý: óziniń JI avataryn jasap alyp, qalaǵan ýaqytynda top múshelerine baǵyt berý arqyly, jumystyń edáýir bóligin jasata alady.
Biraq, árbir nárseniń ekinshi jaǵy bar sekildi, JI arqyly jasalǵan kontent qatty kóbeiip ketkennen keiin, bálkim, shynaiy formatta blog júrgizetin blogerler aktýaldy bolýy ábden múmkin. Alaida, JI dáýiri endi bastalyp jatqandyqtan, oǵan deiin áli alys ekenin de aita ketý kerek.
Odan bólek, JI tehnologiiasynyń damýy blorgerlik indýstriiada jańa mamandyqtar men suranys paida bolýyna áser etip jatyr. Video-avatar daiyndaý, neiro-fotosessiia, ji video, avtomattandyrylǵan ji chatbottar - barlyǵy osy jańa mamandyqtardyń mysaldary.
– Qandai jańa blogerlik formattar (mysaly, interaktivti video, VR/AR, qysqa serialdar) 2026 jyly tanymal bolady dep oilaisyz?
– 2026 jyl qysqa serialdardyń zamany bolady dep oilaimyn. Jyl saiyn uzyn kontenttiń qaralym jinaýy baiaýlap keledi. Adamdardyń áleýmettik jelilerdegi kontentti kóp paidalanǵanynan da bolsa kerek, reels, tiktok sekildi formattarǵa úirenip qaldyq. Aldymyzdaǵy jyl 1-2 minýttyq serialdardyń zamany bolady.
Ádette, belgili bir kommertsiialyq proekt jasalýy úshin, onyń ohvat boljamy óte mańyzdy. Ol arqyly neshe paida tabylýy degen sekildi. Sol úshin, kinoteatrǵa shyǵatyn ónimniń barlyǵy jalpy kópshilikke qyzyqty taqyryptarda jasalady.
Al, kishkentai taqyryptaǵy sanaýly adamdarǵa qyzyqty jáne mańyzdy kontent áleýmettik jelidegi 1-2 minýttyq serialdar formatyna sai keledi. Óndiris te kóp qarajatty qajet etpeidi, ári kóptep, ári jyldam shyǵarýǵa bolady.
Kezinde, VR/AR tehnologiiasy tez-aq beleń alyp, álemniń kóshirmesi virtýaldy álemde jasalady dep qatty kútildi. Tipti, adamdar NFT tehnologiiasymen jasalǵan álemde sharshy metr jerlerin satyp ta bastaǵan edi. Biraq. ol nárse tez toqtap qaldy. Meniń oiymsha, VR/AR, interaktivti video deńgeiindegi tehnologiialar qazir bizdiń kúndelikti máselelerimizdi sheshpegennen keiin, damý turǵysynan qatty alǵa jylji qoimas.
– Algoritmder men JI kontent blogerlerdiń tabysyn arttyrýǵa qalai múmkindik beredi?
– Joǵaryda aityp ótkenimdei, blogerdiń negizgi jumysy ol - kontent. Al, kontentti ári halyqqa qyzyqty etip, ári avtomattandyra alatyn bolsa, onda tabys turǵysynan keremet múmkindikter ashatyny sózsiz.
Álemettik jelidegi kontentti qalai avtomattandyrǵan bolsa, dál solai, jarnamamen jumysty da avtomattandyrýǵa bolady. Bloger Phýkette demalyp júrip te, jarnama alyp, onyń realizatsiiasyn jasai alatyn halge jetedi.
kontentti kóp jasaý
arqyly, kóbirek tabys tabý;
mobilograf jaldamai, videolardy montajdaityn JI qosymsha qoldaný;
podkastty telefon arqyly jasaý;
marketolog aqysyn, Chat GPT sekildi servisterge jumsap, olardy eselep qaitarý.
– Paidalanýshylardyń kontent tutyný ádetteri 2026 jyly qalai ózgeredi?
– 2026 jyly Kontentti paidalaný statikalyq formattan kóbirek dinamikalyq baǵytta ózgeredi. Adamdar kóbirek kontenttiń video túrin tutynady. Álemettik jelilerde Tikelei efirlerdi baqylaý arta túsedi.
Biraq, 2026 jyly dami túsetin tutynýshylardyń ádetterinde mazalaityn nárse bar. Ol - neniń shynaiy, al neniń jalǵan ekenin anyqtai almaý úrdisi. JI qatty damyǵannan, feik jańalyqtar men túrli ótirik aqparattar qatty kóebeiedi. Sol úshin mindetti túrde ár qazaqstandyq eń kemi JI kontent qalai jasalatynyn jáne faktcheking jasai alýy kerek dep oilaimyn.
– JI kontenttiń etikasy men sapasyn baqylaý úshin platformalar qandai sharalardy qoldanýy múmkin?
– JI kontentiniń etikasy men sapasyn baqylaý maqsatynda platformalar, máselen, adamdy verifikatsiiadan ótkizýi múmkin. Iaǵni, qoldanýshy jaily aqparat berýin suraýy múmkin. JI arqyly jasalǵan kontentti avtomatty túrde anyqtap, oǵan belgili bir belgi taǵylýyn qolǵa alýy múmkin. Belgili bir taqyryptarda (meditsina, 18+, zorlyq-zombylyq) kontent jasaýyn shektýi múmkin.
– Áńgimeńizge raqmet!
Suqbattasqan
Aqbota Musabekqyzy
