Foto: ashyq derekkóz
2025 jyly Qazaqstanda zańsyz utys oiyndary men lotereialardy uiymdastyrǵan 121 adam ákimshilik jaýapkershilikke tartyldy. Bul týraly QR Týrizm jáne sport ministrliginiń Oiyn biznesin jáne lotereiany retteý komiteti málimdedi, dep habarlaidy Ult.kz.
Ministrlik áleýmettik jeliler men onlain-platformalarda zańsyz lotereia qyzmetin anyqtaý maqsatynda turaqty monitoring júrgizip keledi. Tekserý nátijeleri men azamattardan túsken ótinishter negizinde quqyq buzýshylar QR Ákimshilik quqyq buzýshylyq týraly kodeksiniń 445-1-babynyń 6-bóligi boiynsha jaýapqa tartylǵan.
Komitet zańsyz utys oiyndaryn uiymdastyrǵan tulǵalarǵa eskertý hattaryn joldap, oflain jáne onlain formatta túsindirý jumystaryn ótkizgen. Sonymen qatar áleýmettik jelilerde utys oiyndaryn ótkizgen akkaýnttardyń tizimi ministrliktiń resmi saitynda jariialanǵan.
Hattama sheshimimen kelisken jaǵdaida quqyq buzýshylar aiyppuldy óz erkimen tóleidi. Al kelispegen jaǵdaida is sotqa joldanyp, belgilengen tártippen qaralady.
Aita keteiik, ÁQBtK-niń 445-1-babynyń 6 jáne 7-bólikterine sáikes, lotereia operatory bolyp tabylmaityn tulǵanyń lotereia ótkizýi jeke tulǵalarǵa 100 AEK, al shaǵyn kásipkerlik sýbektilerine 300 AEK kóleminde aiyppul salýǵa ákep soǵady. Eger quqyq buzýshylyq bir jyl ishinde qaitalansa, aiyppul mólsheri jeke tulǵalar úshin 200 AEK-ke, shaǵyn kásipkerlik sýbektileri úshin 750 AEK-ke deiin ósedi. Sonymen qatar zańsyz qyzmetten túsken tabys tárkilenedi.
