Foto: uiymdastyrýshylardan
2025 jyl TikTok Qazaqstan úshin jarqyn shyǵarmashylyqtyń, serpindi ósýdiń jáne milliondaǵan qoldanýshylardy biriktirgen jańa formattardyń kezeńine ainaldy, dep habarlaidy Ult.kz.
Biyl shabytqa toly oqiǵalar, shaǵyn biznes pen qoldanýshylardyń súiiktisine ainalǵan talantty kreatorlar, qazaq mádenietiniń bailyǵy men eldiń shyǵarmashylyq áleýetin jańa qyrynan kórsetken kontent platformanyń kelbetin aiqyndady.
Mádeniet jáne jahandyq trendter
Biyl qazaqstandyqtar #Naýryz2025 jáne #netamashalaimyz syndy trendtik heshtegterimen belsendi kontent jasap, Djennifer Lopes pen Backstreet Boys siiaqty álem juldyzdarynyń kontsertterinen beinelerin bólisti. Qazaqstan TikTok-ta naǵyz trendsetterge ainaldy: Indoneziia, Koreia, Meksika jáne AQSh elderiniń qoldanýshylary «I’m not Kazakh, but…» trendi aiasynda Qairat Nurtas, Sadraddin, Dimash Qudaibergen siiaqty qazaqstandyq ártisterdiń ánderin oryndady. #Naýryz2025 onlain-festivali úshinshi ret ótkizilip, eki apta ishinde 25 000-nan astam beine jariialanyp, mádeni murany tsifrlyq keńistikte ilgeriletti.
Qaýymdastyq tańdaýy: 2025 jyldyń úzdik kreatorlary
#QaýymdastyqTańdaýy2025 baiqaýynyń nátijesinde úzdik kreatorlar anyqtaldy. Olardyń qatarynda:
Eń úzdik oiyn-saýyq: Nurbek Qasymbekov (@daulenuly) – qazaq tilindegi kino sholýlary;
Eń úzdik sporttyq kreator: Temirlan Orynbaev (@temirlan\_erzhanovich) – fýtbol jańalyqtary;
Eń úzdik tanymdyq kontent: Altynai Ýtegenova (@altynai\_qazaq\_tili) – qazaq tilin úiretý;
Eń úzdik aspazdyq kreator: Nailia Pavlovskaia (@nyakushkaa) – úi retsepteri;
Eń úzdik saiahat kontenti: Juldyz Rahmet (@zhuldyz\_rakhmet) – Qazaqstan boiynsha trevel-jýrnalist (ekinshi jyl qatarynan jeńimpaz);
Eń úzdik mádeniet kontenti: Ult qazynasy (@ult\_kazynasy) – óńirlerdiń mádeni jáne tildik erekshelikteri;
Eń úzdik shaǵyn biznes akkaýnty: @doner\_na\_satpayeva\_ – klientterdi negizgi keiipker etken virýstyq doner beineleri.
Jyldyń mańyzdy oqiǵalary
Jahandyq moiyndalý: Orys tili men ádebieti pániniń muǵalimi Botagóz Omarova (@botagozomarova2) TikTok-tyń Discover List 2025 halyqaralyq úzdik 50 avtory tizimine engen Ortalyq Aziiadan shyqqan alǵashqy kreator atandy.
Kinoindýstriiany qoldaý: TikTok jergilikti kino salasyn qoldaýǵa baǵyttalǵan alǵashqy iri bastamasy – #netamashalaimyz naýqanyn iske qosty.
Tsifrlyq saýattylyq: Platforma «Eń Aldymen Qaýipsizdik» atty qazaq tilindegi alǵashqy tsifrlyq saýattylyq jobasyn tanystyrdy jáne \#Qazaqstanmuǵalimderi bastamasy aiasynda bilim berý kontentin damytty.
Qazaqstan ekonomikasyna yqpaly
TikTok jáne «Atameken» UKP-nyń zertteýine sáikes, 2024 jyly shaǵyn jáne orta biznes (ShOB) sýbektileri TikTok arqyly 219 mlrd teńgeden bastap 438 mlrd teńgege deiin tabys tapqan. Bul platformanyń Qazaqstan JIÓ-ne jalpy ekonomikalyq yqpalyn 1,13%-ǵa deiin jetkizedi.
Melis Chaglar, TikTok kompaniiasynyń Shyǵys Eýropa jáne Ortalyq Aziia boiynsha operatsiialyq bólim basshysy:
«Biylǵy jyl shyǵarmashylyq pen tanymdyq kontenttiń qanshalyqty qýatty áserge ie ekenin aiqyn kórsetti. Aldaǵy ýaqytta da avtorlardy qoldaýdy, tsifrlyq saýattylyqty arttyrý bastamalaryn damytýdy jáne mádenietter arasyndaǵy bailanysty nyǵaitýdy jalǵastyra beremiz».
