2025 jyly el halqy 100 paiyz sýmen jabdyqtaýǵa qol jetkizedi. Bul týraly Úkimet otyrysynda QR Indýstriia jáne infraqurylymdyq damý ministri Beibit Atamqulov aitty, dep habarlaidy QazAqparat.
«Halyqtyń qolaily ómir súrýi úshin sapaly aýyz sýǵa qoljetimdilikti arttyrý sharalary da qabyldanýda. Búgingi tańda 6,9 mln adam turatyn 4 myńǵa jýyq aýyl ortalyqtandyrylǵan sýmen jabdyqtalǵan. Halyq sany 200-den kem 403 aýylda sý tazartýdyń oqshaý júieleri ornatyldy. 1922 aýyldy ortalyqtandyrylǵan sýmen jabdyqtaýmen jáne sý tazartýdyń oqshaý júielerimen qamtý josparlanyp otyr», - dedi ol.
Ministrdiń aitýynsha, sýmen jabdyqtaý jáne sý burý júielerin salý men rekonstrýktsiialaýǵa respýblikalyq biýdjetten shamamen 400 mlrd teńge bólý kózdelgen.
«Bul is-sharalardyń barlyǵy 2025 jyly el halqyn 100 paiyz sýmen jabdyqtaýǵa múmkindik beredi. Biyl respýblikalyq biýdjetten 242 jobany iske asyrýǵa 69,2 mlrd teńge kózdelgen. Ol 2021 jyldyń qorytyndysynda aýyldyq eldi mekenderde ortalyqtandyrylǵan sýmen jabdyqtaýǵa qoljetimdilikti 91,8 paiyzǵa jetkizýge múmkindik beredi», - dedi Beibit Atamqulov.
