Foto: Sm1.kz
Qurylys, áleýmettik qoldaý, bilim berý, meditsina, infraqurylym jáne ekonomika salalaryndaǵy kórsetkishter ósim kórsetip, 2025 jyldyń sońyna deiin birqatar iri jobalardy iske asyryldy, dep habarlaidy Ult.kz.
🔹Biylǵy 11 aida 16,9 mln m² turǵyn úi paidalanýǵa berildi. 2025 jyldyń sońyna qarai jalpy kólemi 19,1 mln m2 turǵyn úi tapsyrylady dep kútilýde. Myńdaǵan otbasy jańa baspanasynda qonys toiyn toilady. Elimizdiń barlyq óńirinde qurylys qarqyndy damyp keledi.
🔹Elimizde boi kótergen densaýlyq saqtaý nysandarynyń sany: 219. Meditsinaǵa qoljetimdilik arta tústi: elimizdiń kóptegen aýlynda jańa meditsinalyq pýnktter paida boldy. Dáriger tapshylyǵy 19%-ǵa qysqardy.
🔹 130 jańa mektep ashyldy. 220 myń jańa oqýshy orny quryldy, 100-den astam mektepte oryn tapshylyǵy joiyldy. Balanyń qalada nemese aýylda turǵanyna qaramastan oqýǵa qolaily jaǵdai jasalady.
🔹 5,9 trln teńge zeinetaqy men járdemaqy tóleýge baǵyttalǵan. 4,6 mln qazaqstandyq memleketten kómek alady. Azamattardy qoldaý biýdjettiń basym baǵyty bolyp qala beredi: 2026 jyldan bastap zeinetaqy men járdemaqy taǵy 10%-ǵa ósedi.
🔹 33 jańa zaýyt iske qosyldy, 150 zaýyt jańartyldy. «Qazaqstanda jasalǵan» – endi turmystyq tehnika men avtokólikterge de qatysty. Teledidar men kir jýǵysh mashinalar óndirisi iske qosyldy, avtomobil shyǵaratyn zaýyttar salynýda.
🔹 27,1 mln tonna astyq jinaldy. Diqandar ekinshi jyl qatarynan astyq jinaýdan rekordtyq kórsetkishke qol jetkizdi. El azyq-túlikpen tolyq qamtylǵan, eksport kólemi artyp keledi.
🔹 13 myń shaqyrym jol salyndy jáne jóndeýden ótti. Qalalar arasyndaǵy jol júrý jyldam ári qaýipsiz bola bastady, júk tasymaldaý kólemi 9,6%-ǵa ósti.
🔹 Halyqtyń 90%-y internetpen qamtyldy. Qazaqstan Starlink spýtniktik internetine qol jetkizgen Ortalyq Aziiadaǵyalǵashqy memleket boldy.
🔹 Bir jylda 335,6 mln aǵash otyrǵyzyldy. 2021 jyldan beri – 1 mlrd 470 mln kóshet. «Taza Qazaqstan» Prezident bastamasy aiasynda elimiz jasyl elge ainalyp keledi. Bul ózimiz úshin jáne bolashaq urpaǵymyz úshin taza aýaǵa salynǵan úlken investitsiia.
🔹 El ekonomikasy 6,4%-ǵa ósti. Qýatty ekonomika – memlekettiń áleýmettik mindettemelerdi oryndaý úshin resýrstary bar ekeniniń kepili: tipti jahandyq naryq turaqsyzdyǵy jaǵdaiynda da jalaqy, zeinetaqy tóleý jáne jańa mektepter salý.
