Almatydaǵy plastikalyq hirýrgiia qyzmetin kórsetetin jekemenshik klinikalardyń birinde áiel adam kóz jumdy. Qaiǵyly oqiǵa qoǵamda úlken rezonans týdyrdy, dep habarlaidy ult.kz.
BAQ pen áleýmettik jelilerde marqumnyń tanymal kásipker ári bloger Sáýle Ermahanova ekeni aitylyp jatyr. Málimetke sáikes, ol Smart Beauty Clinic klinikasynda jan tapsyrǵan.
Oqiǵaǵa qatysty Almaty qalalyq politsiia departamenti túsinikteme berdi.
— 15 mamyr kúni Almaty qalasynyń 53 jastaǵy turǵyny jekemenshik klinikalardyń birinde qaitys boldy. Atalǵan derek boiynsha Bostandyq aýdandyq politsiia basqarmasy qylmystyq is qozǵady, — dep habarlady vedomstvo.
Qazir sotqa deiingi tergep-tekserý amaldary júrgizilip jatyr. Politsiia ókilderiniń málimetinshe, tergeý qorytyndysy boiynsha protsessýaldyq sheshim qabyldanady. Sonymen qatar Qylmystyq-protsestik kodekstiń 201-babyna sáikes ózge aqparat jariia etilmeitini eskertildi.
