Foto: pexels.com
Times Higher Education (THE) álemniń úzdik joǵary oqý oryndarynyń jańartylǵan tizimin jariialady, oǵan tórt qazaqstandyq ýniversitet kirdi, dep habarlaidy Ult.kz.
Biyl reitingte 115 elden 2000-nan astam oqý oryndarynyń arasynda 23 qazaqstandyq JOO usynylǵan. Biylǵy nátijeler joǵary bilim berýdegi mańyzdy ózgerister men tendentsiialardy kórsetedi.
NU 501-600 orynǵa jaiǵasyp, birneshe qatarǵa kóterildi. Ýniversitet ásirese "Bilim berý" sanatynda 251-300 diapazonynda erekshelendi, bul onyń osy saladaǵy muǵalimderdi daiarlaý men akademiialyq zertteýlerdegi kóshbasshylyǵyn kórsetedi.
Ál-Farabi atyndaǵy Qazaq ulttyq ýniversitetiniń pozitsiiasy 1201-1500 diapazonynda. "Oqytý" jáne "Halyqaralyq kózqaras" sanattarynda aitarlyqtai jaqsartýlar baiqaldy.
L.N.Gýmilev atyndaǵy Eýraziia ulttyq ýniversitetiniń pozitsiiasy 1501+ diapazonynda, «Oqytý» jáne "Dáieksózder" sanattary boiynsha baǵalaýda azdaǵan ózgerister boldy.
Ótken jyly 1501+ diapazonynda bolǵan Satbayev University óz pozitsiiasyn saqtap qaldy, alaida "Halyqaralyq kózqaras" sanaty boiynsha kórsetkishterdi jaqsartty.
Ýniversitetterdiń eń bedeldi álemdik reitingteriniń biri bolyp sanalatyn THE reitingi joǵary oqý oryndaryn tórt negizgi ólshem boiynsha baǵalaidy: bilim sapasy, ǵylymi zertteýler, dáieksóz jáne halyqaralyq yntymaqtastyq.
