2025 jylǵa qarai elimizde munai ónimderin óndirý kólemi 15,3 mln tonnaǵa jetedi. Bul týraly Úkimet otyrysynda QR Energetika ministri Maǵzum Myrzaǵaliev aitty, dep habarlaidy QazAqparat.
«Qysqa jáne orta merzimdi perspektivada óndiristi odan ári arttyrý úshin birqatar is-sharalar josparlanǵan. Biyl Aqtaý bitým zaýytynda bitým óndirý blogyn jańǵyrtý aiaqtalady. Bul óndiris qýatyn jylyna 400 450 myń tonnaǵa deiin ulǵaitady», - dedi óńdeý ónerkásibin damytý týraly baiandaǵan ministr.
Onyń aitýynsha, Túrkistan oblysynda jeke investorlarmen munai óńdeý zaýyttaryn salý boiynsha jobalar júzege asyrylýda. Olardy 2023 jyly aiaqtaý josparlanyp otyr.
«Birinshi joba - «Standart Retroleum & So». Jobanyń munaidy qaita óńdeý qýaty 2 mln tonnaǵa teń. Ekinshisi – jylyna 100 myń tonna kómirden qaita óndeý arqyly sintetikalyq munai óndirýge múmkindik beretin «Standart Resorsiz» jobasy. Al keiin odan munai ónimderi shyǵarylady», - dedi ol.
Ministr 2025 jyly Pavlodar munai óńdeý zaýytynda deparafindeý blogymen biriktire otyryp, gidrotazartý qondyrǵysyn jańǵyrtý jónindegi joba iske asyrylatyndyǵyn aitty. Jańǵyrtý nátijesinde buryn zaýytta óndirilmegen 160 myń tonna qystyq dizel otyny shyǵarylady.
«Joǵaryda kórsetilgen is-sharalardy iske asyrýdyń arqasynda munai ónimderin óndirý kólemi 2025 jylǵa qarai 2.2 mln tonnaǵa deiin artyp, 15,3 mln tonnany quraityn bolady. Tartylatyn investitsiialar kólemi 148,5 mlrd teńgeni quraidy», - dedi Maǵzum Myrzaǵaliev.
