QR Premer-Ministri Asqar Maminniń tóraǵalyǵymen ótken Úkimet otyrysynda Bilim men ǵylymdy damytýdyń 2016-2019 jyldarǵa arnalǵan memlekettik baǵdarlamasyn iske asyrý qorytyndylary jáne 2020-2025 jyldarǵa arnalǵan jobasy qaraldy, dep habarlaidy primeminister.kz.
3 jylda Memlekettik baǵdarlamany júzege asyrýǵa 1 trln 466 mln teńge bólindi. Mektepke deiingi uiymdardyń jelisi 1728 birlikke ulǵaityldy, 3 jastan 6 jasqa deiingi balalardy mektepke deiingi oqytýmen qamtý 98%-ǵa deiin artty. 1-10 synyp oqýshylary (95,4%) jańartylǵan mazmunǵa kóshti. 273 myń muǵalim (94%) jańartylǵan oqý baǵdarlamasy boiynsha oqytylyp, 30% mólsherinde ústemeaqy alýda. Attestatsiiadan ótken 123 myńnan astam muǵalim qosymsha tólemderdi 30-dan 50%-ǵa deiin alady.
437 memlekettik jáne 80 jekemenshik mektep jan basyna qarjylandyrýǵa kóshti. 372 jańa mektep salyndy. Tájiribelik-qurastyrymdyq ázirlemeler boiynsha shyǵyndar 1,6%-ǵa, ǴZTQJ-ǵa jumsalatyn biznes shyǵyndarynyń úlesi 6,6%-ǵa, kommertsiialandyrylǵan jobalardyń úlesi 2,8%-ǵa ósti.
«Bilim berýdi damytý QR Tuńǵysh Prezidenti – Elbasy Nursultan Ábishuly Nazarbaevtyń strategiialyq baǵytynyń basty basymdyqtarynyń biri. Memleket basshysy Qasym-Jomart Kemeluly Toqaev Qazaqstan halqyna arnaǵan Joldaýynda bilim sapasyn odan ári jaqsartýǵa, qala men aýyl mektepteri arasyndaǵy alshaqtyqty azaitýǵa jáne pedagogterdiń mártebesin arttyrýǵa erekshe nazar aýdardy», — dedi A. Mamin.
Úkimet basshysy Prezidenttiń tapsyrmasyn oryndaý maqsatynda, jańa Memlekettik baǵdarlama aiasynda 2020 jyldan bastap, tórt jyl ishinde pedagogterdiń jalaqysyn 2 esege kezeń-kezeńimen arttyrý josparlanǵanyn atap ótti. Sonymen birge, balalar balabaqshalarmen 100% qamtamasyz etiledi, úsh aýysymda oqytý jáne apatty jaǵdaidaǵy mektepter tolyǵymen joiylady.
«Qazaqstan PISA-nyń – oqýshylardyń fýnktsionaldyq saýattylyǵynyń álemdik reitingisiniń TOR-40-na kirýdi josparlap otyr. Barlyq mektepter jańa modifikatsiiadaǵy pán kabinetterimen jabdyqtalady», — dedi A. Mamin.
2025 jylǵa deiin elimizde 800-ge jýyq jańa mektep salynady. Tirek eldi mekenderde 114 internat salynady.
Premer-Ministr investorlar úshin bilim berý salasynyń ósip kele jatqan tartymdylyǵynyń mańyzdylyǵyn atap ótti. Aldaǵy 5 jylda salaǵa 11,5 trln teńge baǵyttalady, onyń ishinde 1,3 trln jeke investitsiialar tartylady. Bul jeke investorlar esebinen 150 myń orynǵa qosymsha mektepter salýǵa múmkindik beredi.
«El ekonomikasy úshin ǵylymnyń nátijeligin arttyrý úshin ǵylymi-zertteý qyzmeti jetildirilip, ǵylymǵa jumsalatyn shyǵyndar kóbeitiledi. Bilim berýdi qarjylandyrý JIÓ-niń 7% deńgeiin quraidy», — dedi A. Mamin.
Úkimet basshysy Bilim jáne ǵylym ministrligine jyl basynan baǵdarlamanyń iske qosylýyn jáne kózdegen kórsetkishterge qol jetkizýdi qamtamasyz etýdi tapsyrdy.
Jiynda QR Bilim jáne ǵylym ministri A. Aimaǵambetov ótken kezeńde qol jetkizilgen nátijeler jáne jańa Memlekettik baǵdarlamanyń negizgi baǵyttary týraly, Kókshetaý qalasyndaǵy AT mektep-litseiiniń direktory A. Baltasheva pedagogikalyq qaýymdastyqtyń pozitsiiasy týraly baiandady.
