Búgin QR Úkimetiniń alańynda ótken baspasóz konferentsiiasynda bilim jáne ǵylym ministri Ashat Aimaǵambetov bilim berý uiymdaryndaǵy bilim berý baǵdarlamalaryn jańartý kezeńderi týraly aityp berdi, dep habarlaidy "Ult aqparat" primeminister.kz saityna silteme jasap.
QR bilim berýdi jáne ǵylymdy damytýdyń 2020-2025 jyldarǵa arnalǵan jańa memlekettik baǵdarlamasyn iske asyrý aiasynda kásiptik standarttar negizinde bilim berý baǵdarlamalaryn 100% jańartý mindeti tur.
«Bizge kolledjder men JOO-lardaǵy bilim berý baǵdarlamalaryn jańartý qajet. Bul óte mańyzdy. Bilim sapasy degenimiz – ónimniń qandai da bir standartqa sai bolýy. Bul jaǵdaida bilim berý baǵdarlamalaryna jumys berýshiler qalyptastyratyn kásibi standarttar qajet», — dedi QR bilim jáne ǵylym ministri.
Sonymen, qazirgi ýaqytta Úkimet kásibi standarttardy daiyndaý boiynsha aýqymdy jumystar júrgizýde.
«Bul jaǵdaida jumys berýshilerdiń ózderi joǵary oqý oryndarynyń túlekterinen qandai-da bir mamandyq boiynsha qandai biliktilikterge ie bolǵandaryn kútetinin aitady jáne qalyptastyrady. Qazirgi ýaqytta kóptegen kásibi standarttar daiyndaldy, al bizdiń mindetimiz – olardy taldaý jáne bilim berý baǵdarlamalaryna kóshirý», — dedi A. Aimaǵambetov.
Ministrdiń aitýynsha, búginde 100 kásibi standart daiyn. Jyl sońyna deiin 400-ge jýyq kásibi standarttar daiyndalýy tiis. Endi kolledjder men JOO-lardyń barlyq baǵdarlamalary jumys berýshilerdiń talaptaryn qanaǵattandyrýy kerek.
«Máselen, eger jumys berýshi AT mamany úshin qazirgi tańda qandai baǵdarlamalaý tilderi eń qajettisi dep aitsa, onda biz osy baǵdarlamalaý tilderin bizdiń oqý oryndarymyzǵa engizýimiz kerek. Osy turǵydan bizdi kásibi standarttar qyzyqtyrady. Taiaý ýaqytta bul baǵdarlamalar jańartylady dep josparlap otyrmyz», — dedi ministr.
Aita ketý kerek, «Jas maman» jobasy aiasynda 180 kolledjdiń materialdyq-tehnikalyq bazasy jańartylady, oǵan biýdjetten 58 mlrd teńge qarastyrylǵan. Tegin kásiptik-tehnikalyq bilim berý baǵdarlamasy jyl saiyn 100 myń stýdentti qamtidy. Al qosarly bilim berýmen qamtylǵan stýdentterdiń sany 35%-ǵa jetedi. Kolledj túlekteriniń jumyspen qamtylý deńgeii 63%-dan 75%-ǵa deiin artady.
Sonymen qatar, bilim jáne ǵylym ministri balalardy úiden oqytýdyń sharttary týraly aitty.
«Áreket etip turǵan zańnama aiasynda bizde densaýlyǵy týraly tiisti kórsetkishteri bar balalarǵa úide bilim berý múmkindigi qarastyrylǵan. Ol úshin jaǵdailar jasalady: muǵalim keledi, jeke baǵdarlama jasalady. Jalpy, biz balalardyń mamandanǵanyn, qurdastarymen birge bilim alyp, qoǵamdaǵy ómirlik mańyzdy daǵdylarǵa ie bolǵanyn qalaimyz, mektepte bilim alý óte qajet jáne ómirlik mańyzdy dep sanaimyz, sondyqtan balanyń mektepte baqytty bolýyna jaǵdai jasaimyz», — dedi vedomstvo basshysy.
Aita ketý kerek, jańa memlekettik baǵdarlama aiasynda mektepterde balalardyń ata-analarymen jáne muǵalimderimen qarym-qatynasy máseleleri qamtylǵan bilim mádenieti kúsheitiledi.
Atap aitqanda, ministr balanyń psihikalyq densaýlyǵyn saqtaý maqsatynda mektepterde ata-analar men balalardyń ózderin qatystyra otyryp, keshendi jumystar júrgiziletinin atap ótti. Ata-analar balanyń psihologiialyq jaǵdaiynda jáne onyń qoǵamdy qabyldaýynda mańyzdy ról atqarady.
Bul jumysty kúsheitý úshin qazaqstandyq bilim berý uiymdarynda mektep psihologtaryna biliktilik joǵarylatylady, áleýmettik-psihologiialyq qyzmet kúsheitiledi.
