QR Indýstriia jáne infraqurylymdyq damý ministrligi Kólik komiteti tóraǵasynyń orynbasary Jánibek Taijanov bilet tapshylyǵyn joiý sharalary týraly aityp berdi, dep habarlaidy QazAqparat.
Onyń aitýynsha, bilet tapshylyǵyn qoldan jasaý men alypsatarlyq negizgi máselelerdiń biri bolyp otyr.
«Búginde bilet tapshylyǵyn qoldaýǵa qarsy jumystar jalǵasýda. Zańsyz alypsatarlyqty toqtatý úshin temir jol tasymalyndaǵy turmystyq jemqorlyqty joiý jóninde jol kartasy qabyldanǵan. Jolaýshylar tasymaly júiesin jaqsartý jospary qurylyp, bilet tapshylyǵyn joiý boiynsha jumys toptary quryldy. «QTJ» UK AQ revizorlyq qyzmeti kópfýnktsiialy ortalyqtar bolyp qaita quryldy», - dedi J. Taijanov ministrlikte ótken brifingte.
Sonymen birge, QR Ákimshilik qubyq buzýshylyqtar kodeksine ózgerister engizip, alypsatarlarǵa qatysty qatań sharalar qoldaný qarastyrylǵan.
«Ázirge vagon tapshylyǵyn tómendetý úshin biyl 63 vagon alyndy, onyń 40 danasy qoldanýǵa berildi. Qyrkúiektiń sońyna deiin 23 vagon jetkiziledi. «Nurly jol» memlekettik baǵdarlamasyna sáikes, 2025 jylǵa deiin jylyna 150 vagon satyp alýdy kózdep otyrmyz», - dedi spiker.
