Premer-ministrdiń orynbasary Eraly Toǵjanov aldaǵy úsh jylda Qazaqstan otandyq azyq-túlikpen ózin júz paiyz qamtamasyz etetinin aitty, dep habarlaidy Sputnik Qazaqstan.
Ortalyq kommýnikatsiialar qyzmetinde ótken baspasóz máslihatynda vitse-premer importtalǵan azyq-túlik taýarlaryn 100% otandyq ónimmen almastyrý jobasy týraly aitty.
"Búgingi kúni biz otandyq ónimmen ózimizdi 80 paiyzǵa qamtamasyz etip otyrmyz. Tek 20 paiyzyn syrttan ákelýge májbúrmiz. Sondyqtan osy baǵdarlama aiasynda 2025 jylǵa deiin importtalatyn azyq-túliktiń 6 túrin tolyqtai jabýǵa múmkindik bolady. Qantty ǵana 80 paiyz deńgeiinde qamtamasyz etedi. Qalǵany 100 paiyz otandyq ónim bolady", - dedi Toǵjanov.
Onyń aitýynsha, importqa táýeldilikti joiý úshin 900 invetistsiialyq joba júzege asyrylady.
2022-2025 jyldary aýyl sharýashylyǵy salasyna 650 milliard teńge investitsiia tartý josparlanyp otyr. 13 myń turaqty jáne ýaqytsha jumys orny ashylady.
Aita keteri, búginde Qazaqstan azyq-túliktiń 6 túri boiynsha importqa táýeldi. Olar: alma, shujyq, irimshik, qant, qus eti jáne balyq.
