2025 jylǵa deiin el turǵyndary aýyz sýmen qamtamasyz etiledi. Bul týraly búgin Úkimet otyrysynda Indýstriia jáne infraqurylymdyq damý ministri Qaiyrbek Óskenbaev aitty, dep habarlaidy QazAqparat.
«Jergilikti atqarýshy organdar jergilikti biýdjet qarajaty esebinen jarǵylyq kapitalyn ulǵaitý arqyly sý arnalarynyń materialdyq-tehnikalyq bazasyn jaqsartý jóninde is-sharalar qabyldaýy qajet. Memleket basshysy tapsyrmalarynyń iske asyrylýy jergilikti atqarýshy organdardyń birlesken jáne úilesimdi jumysyna tikelei bailanysty», - dedi ministr.
Onyń sózine qaraǵanda, halyqty aýyz sýmen qamtamasyz etý máselesi Indýstriia jáne infraqurylymdyq damýk ministrliginiń turaqty baqylaýynda tur.
«Memleket basshysynyń halyqty bes jyldyń ishinde aýyz sýmen tolyq qamtamasyz etý týraly tapsyrmasy kezeń-kezeńimen 2025 jylǵa deiin oryndalatyn bolady», - dedi Qaiyrbek Óskenbaev.
