2021-2025 jyldar aralyǵynda turǵyn úi qurylysyna infraqurylym tartý úshin jyl saiyn 170 mlrd teńge bólinip otyrady, dep habarlaidy "Ult aqparat".
Bul týraly Indýstriia jáne infraqurylymdyq damý birinshi vitse-ministri Qaiyrbek Óskenbaev aitty.
«Turǵyn úi qurylysyn yntalandyrý jáne qunyn arzandatý maqsatynda memleket turǵyn úi qurylysy salynatyn aýdandardy, onyń ishinde azamattarǵa jeke qurylys salý úshin bólinetin jer ýchaskelerin injenerlik jelilermen jabdyqtaidy. 2021-2025 jyldary 235 myń jer ýchaskesin qajetti infraqurylymmen qamtamasyz etý josparlanýda. Onyń ishinde oblys ortalyqtarynda, shaǵyn qalalarda - 125 myń jer ýchaskesi jáne aýyldyq jerlerde 110 myń jer ýchaskesi. Jyl saiyn bul maqsatta respýblikalyq biýdjetten 130 mlrd. teńgeden bólý kózdeledi», - dedi vitse-ministr ortalyq kommýnikatsiialar qyzmetinde ótken brifingide.
