Foto: QR OAM
Alǵashqy jartyjyldyqtyń qorytyndysy boiynsha biyl elimizde 13,2 myń oryndy qamtityn 172 mektepke deiingi uiym ashyldy. Bul 2 jastan 6 jasqa deiingi balalardyń 93,1 paiyzyn mektepke deiingi bilimmen qamtýǵa múmkindik berdi, dep habarlaidy Ult.kz.
Mektepke deiingi bilimmen qamtýdy arttyrý qurylys júrgizý, qoldanystaǵy balabaqshalardy keńeitý, turǵyn úilerdiń birinshi qabattarynda shaǵyn ortalyqtar ashý, memlekettik bilim berý tapsyrysyn ornalastyrý, onyń ishinde «aqsha balaǵa beriledi» qaǵidaty boiynsha vaýcherlik qarjylandyrý esebinen júzege asyrylýda.
Jańa vaýcherlik qarjylandyrý tetigi elimizdiń 19 qalasynda jáne 7 aýdanynda iske asyryldy. Ol arqyly 300 myńǵa jýyq bala mektepke deiingi bilimge qol jetkizdi, al kezek 44 paiyzǵa qysqardy.
Sonymen qatar mektepke deiingi uiymdarǵa barmaityn balalardyń ata-analaryna arnalǵan konsýltatsiialyq pýnktter jelisi keńeidi. Jyl basynan beri olardyń sany 4,2 myńnan 5,5 myńǵa deiin artty.
Budan bólek, 260 memlekettik balabaqshada jóndeý jumystary júrgizilýde jáne olardyń materialdyq-tehnikalyq bazasy nyǵaitylýda.
Eske sala keteiik, búginde elimizdegi 11,8 myńnan astam balabaqshada 1 millionnan astam bala tárbielenýde.
