فوتو: قر وام
العاشقى جارتىجىلدىقتىڭ قورىتىندىسى بويىنشا بيىل ەلٸمٸزدە 13,2 مىڭ ورىندى قامتيتىن 172 مەكتەپكە دەيٸنگٸ ۇيىم اشىلدى. بۇل 2 جاستان 6 جاسقا دەيٸنگٸ بالالاردىڭ 93,1 پايىزىن مەكتەپكە دەيٸنگٸ بٸلٸممەن قامتۋعا مٷمكٸندٸك بەردٸ, دەپ حابارلايدى Ult.kz.
مەكتەپكە دەيٸنگٸ بٸلٸممەن قامتۋدى ارتتىرۋ قۇرىلىس جٷرگٸزۋ, قولدانىستاعى بالاباقشالاردى كەڭەيتۋ, تۇرعىن ٷيلەردٸڭ بٸرٸنشٸ قاباتتارىندا شاعىن ورتالىقتار اشۋ, مەملەكەتتٸك بٸلٸم بەرۋ تاپسىرىسىن ورنالاستىرۋ, ونىڭ ٸشٸندە «اقشا بالاعا بەرٸلەدٸ» قاعيداتى بويىنشا ۆاۋچەرلٸك قارجىلاندىرۋ ەسەبٸنەن جٷزەگە اسىرىلۋدا.
جاڭا ۆاۋچەرلٸك قارجىلاندىرۋ تەتٸگٸ ەلٸمٸزدٸڭ 19 قالاسىندا جەنە 7 اۋدانىندا ٸسكە اسىرىلدى. ول ارقىلى 300 مىڭعا جۋىق بالا مەكتەپكە دەيٸنگٸ بٸلٸمگە قول جەتكٸزدٸ, ال كەزەك 44 پايىزعا قىسقاردى.
سونىمەن قاتار مەكتەپكە دەيٸنگٸ ۇيىمدارعا بارمايتىن بالالاردىڭ اتا-انالارىنا ارنالعان كونسۋلتاتسييالىق پۋنكتتەر جەلٸسٸ كەڭەيدٸ. جىل باسىنان بەرٸ ولاردىڭ سانى 4,2 مىڭنان 5,5 مىڭعا دەيٸن ارتتى.
بۇدان بٶلەك, 260 مەملەكەتتٸك بالاباقشادا جٶندەۋ جۇمىستارى جٷرگٸزٸلۋدە جەنە ولاردىڭ ماتەريالدىق-تەحنيكالىق بازاسى نىعايتىلۋدا.
ەسكە سالا كەتەيٸك, بٷگٸندە ەلٸمٸزدەگٸ 11,8 مىڭنان استام بالاباقشادا 1 ميلليوننان استام بالا تەربيەلەنۋدە.
