Foto:AFP 2023 / HANDOUT
Ýkraina Prezidenti Vladimir Zelinskii 2024 jylǵy soǵysqa ketken shyǵyndardy atady, dep habarlaidy Ult.kz.
2024 jylǵy áskeri qaqtyǵys Ýkrainaǵa 100 milliard dollardan astam shyǵyn ákelgen. Onyń 60%-yn AQSh pen Eýropalyq Odaq ótegen. Bul týraly 16 qańtar kúni Ýkraina Prezidenti Vladimir Zelenskii Ulybritaniia Premer-ministri Kir Starmermen birlesken baspasóz máslihatynda málimdedi.
«AQSh pen Eýropa arasyndaǵy Ýkrainany qoldaý boiynsha birtutas odaqty joǵaltýǵa jol bere almaimyz. Biraq Ýkraina bul soǵysqa qandai úles qosyp jatqanyn da esten shyǵarmaýymyz kerek. 2024 jylǵy soǵys Ýkrainanyń Qorǵanys kúshterin qamtamasyz etý úshin 100 milliard dollardan astam shyǵynǵa alyp keldi. Onyń 40 milliard dollary Ýkrainadan, 35 milliard dollary AQSh-tan, al 25 milliard dollary Eýropadan tústi», – dedi Zelenskii.
Sonymen qatar, Zelenskii Ulybritaniianyń Ýkrainaǵa jyl saiyn 3,6 milliard dollar kóleminde áskeri kómek bóletinin habarlady.
«Biz jylyna keminde 3,6 milliard dollar kólemindegi áskeri kómekti kelisip aldyq. Bul kómek qansha ýaqyt qajet bolsa, sonsha ýaqyt jalǵasady», – dedi ol.
Budan bólek, Zelenskii muzdatylǵan Resei aktivterinen túsetin qarajat esebinen Ýkraina 2025 jyly Londonnan jalpy somasy 6,6 milliard dollar kómek kútetinin atap ótti.
.jpg)
