Óner naryǵy úshin 2024 jyl saqtyq pen múmkindikterge toly qarama-qaishylyqtar jyly boldy dep otyr mamandar. Jyldyń eń qymbat 100 lotynyń jalpy quny 1,8 milliard dollardy qurady.
ULT.KZ internet jelisindegi aqparattarǵa súienip, biylǵy jyly satylǵan eń qymbat kartinalardyń tizimin usynady.
Rene Magritt "Jaryq imperiiasy" (1954)
"Jaryq imperiiasy" - kúndizgi aspan men túngi peizajdyń qarama-qaishylyǵymen tań qaldyratyn siýrrealizmniń eń tanymal shedevrleriniń biri. Bul sýret Magrittiń shyǵarmashylyǵyna tán qupiiany beineleidi. Bul týynda onyń jaryq taqyrybynda salǵan jumystarynyń bóligi deýge bolady.
2024 jyldyń qarashasynda kartina Niý-Iorktegi Christie ' s aýktsionynda rekordtyq quny 121,2 million dollarǵa satyldy. Satyp alýshy anonimdi bolyp qalýdy sheshti. Biraq bul saýda jyldyń eń úlken satylymy boldy.
Foto: Rene Magritt "Jaryq imperiiasy" (Vikipediia)
Ed Rýshei "Standard janarmai beketi" (1964)
"Standard janarmai beketi" kartinasy HH ǵasyrdyń ortasynda pop-art pen amerikalyq mádeniettiń simvolyna ainaldy. Rýshei jasaǵan bul shyǵarma ónerge ainalǵan qarapaiym amerikandyq shyndyqty kórsetedi.
2024 jyldyń qarashasynda bul týyndy Niý-Iorktegi Christie ' s aýktsionynda 68,2 million dollarǵa satyldy. Keskindeme uzaq ýaqyt boiy jeke kollektsiiada bolǵan jáne ony satý jyldyń eń tańqaldyrarlyq jańalyǵy boldy. Rýsheidiń týyndylaryndaǵy áigili lakonizmi men grafikasy óner súier qaýymdy zamanaýi ónerge tabynýyna ákeldi.
Foto: Ed Rýshei "Standard janarmai beketi" (Wikiart.org)
Klod Mone "Sý Lalagúlderi" (1914-1917)
"Sý lalagúlderi" - Klod Mone óziniń tabiǵatqa degen súiispenshiligin jáne jaryq pen tústermen oinaý qabiletin kórsetetin eń tanymal seriialarynyń biri. Bul týyndy onyń Givernidegi baqshasynda salynǵan.
2024 jyldyń qarashasynda sýret Niý-Iorktegi Sotheby ' s aýktsionynda 65,5 million dollarǵa satyldy. "Sý lalagúline" mundai qun berilýi Mone mártebesin eń úlken impressionisterdiń biri retinde rastaidy. Satyp alýshy bul shedevrdi jeke kollektsiiasy úshin satyp aldy.
Foto: Klod Mone "Sý Lalagúlderi" (Vikipediia)
Jan-Mishel Baskiat "Ataýy joq (Elmar)" (1982)
Neoekspressionizmniń jarqyn ókili Jan-Mishel Baskiat bul sýretti mansabynyń shyńynda jasady. "Ataýsyz (Elmar)" sýretshiniń erekshe stilin, graffiti men ekspressivti boiaýdar úilesimin kórsetedi.
2024 jyldyń mamyrynda kenep Niý-Iorktegi Fillips aýktsionynda 46,5 million dollarǵa satyldy. Bul jumys Baskiattyń shyǵarmashylyǵyna tán áleýmettik taqyryptardy kórsetedi jáne kollektsionerler arasynda tanymal bolyp qala beredi. Onyń satylymy sýretshiniń mádeni qubylys retindegi mártebesin taǵy bir ret rastady.
Foto: Jan-Mishel Baskiat "Ataýy joq (Elmar)" (Marbeks.com)
Rene Magritt "Qupiia dos" (1958)
Magrittiń bul jumysy kórermendi jasyryn maǵynalar týraly oilaýǵa májbúr etetin onyń jumbaq tásiliniń kórinisi. "Qupiia dos" - bul 2024 jyldyń naýryz aiynda Londondaǵy Christie ' s aýktsionynda 42,1 million dollarǵa satylǵan simvolizmge toly sýret.
Jumystyń biregeiligi onyń kóp maǵynalylyǵynda jatyr, bul sýretke basqasha, jan-jaqty qaraýǵa múmkindik beredi. Joǵary baǵa qazirgi zamanǵy kollektsionerler arasynda siýrrealistik ónerge degen qyzyǵýshylyqty rastaidy. Kenep endi eýropalyq satyp alýshynyń jeke kollektsiiasyn bezendiredi.
Foto: Rene Magritt "Qupiia dos"(Marbeks.com)
Endi Ýorhol "Gúlder" (1964)
"Gúlder" - Endi Ýorholdyń pop-art obektivi arqyly tabiǵattyń sulýlyǵyn kórsetetin eń tanymal seriialarynyń biri. Shyǵarma 2024 jyldyń mamyr aiynda Niý-Iorktegi Christie ' s aýktsionynda 35,9 million dollarǵa satyldy.
Keskindeme óziniń jarqyn tústerimen jáne erekshe Ýorhol stilimen nazar aýdartady. Gúlder seriiasy sýretshiniń eń tanymal týyndylarynyń biri bolyp qala beredi. Ol onyń qarapaiym beinelerdi ónerge ainaldyrý qabiletimen ereksheleidi.
Foto: Endi Ýorhol "Gúlder" (Marbeks.com)
Klod Mone "Givernidegi maia shóp" (1893)
Bul jumysta Mone kún men jyldyń ártúrli ýaqyttaryndaǵy jaryqtyń ózgerýin zerttegen "shóp shabý" seriiasynyń bóligi. "Givernidegi maia shóp" kartinasy onyń áigili baqshasynda jasalǵan jáne ol sýretshiniń basty shabytyna ainaldy deýge bolady.
2024 jyldyń mamyrynda ol Niý-Iorktegi Sotheby ' s aýktsionynda 34,8 million dollarǵa satyldy. Bul shyǵarma Moneniń tabiǵi qubylystardy beineleýdegi sheberligin kórsetedi. Onyń satylymy aýktsion jylyndaǵy eń mańyzdy sátterdiń biri boldy.
