Foto: Inbusiness.kz
Qazaqstan aviatsiia ákimshiliginiń málimetinshe, 2012 jyldan 2024 jylǵa deiingi 13 jyl ishinde elimizde 68 áýe apaty oqiǵasy tirkelgen. Onyń 26 oqiǵasy adam ólimimen aiaqtalǵan, bul apattarda barlyǵy 124 adam qaza tapqan, dep habarlaidy Ult.kz.
«2024 jyly elde 6 aviatsiialyq oqiǵa oryn aldy, bul 2023 jylmen salystyrǵanda eki ese kóp. Aita keterligi, 2024 jyly kommertsiialyq aviatsiiada bir ǵana oqiǵa oryn alǵan (2023 jyly múlde bolmaǵan), al aviatsiialyq jumystar men oqý-jattyǵý ushýlarynda 5 oqiǵa tirkelgen (2023 jyly – 3 oqiǵa)»,– delingen habarlamada.
Ushaq apattarynan 2023 jyly 6 adam, 2024 jyly 39 adam qazaq tapqan. 38-i kommertsiialyq aviatsiiadaǵy apatta, 1-eýi aviatsiialyq jumystar kezinde kóz jumǵan.
Eske salaiyq, 2024 jyldyń sońynda Aqtaý mańynda Azerbaijan Airlines áýe reisi apatqa ushyrap, 35 jolaýshy men 3 ekipaj múshesi kóz jumǵan edi.
