foto: ortcom.kz«Betashar» dástúriniń IýNESKO tizimine engizilýi
foto: neke.kz
Jyldyń basty jańalyqtarynyń biri – qazaqtyń dástúrli «Betashar» rásiminiń IýNESKO-nyń materialdyq emes mádeni muralar tizimine engizilýi boldy. Bul sheshim ulttyq salt-dástúrimizdiń jahandyq deńgeide tanylýyna yqpal etip, qazaq mádenietiniń bai ári tereń tarihyn álemge pash etti.
XVII Halyqaralyq «Eýraziia» kinofestivali
foto: gov.kz
Almatyda HVII Halyqaralyq «Eýraziia» kinofestivali ótti. Festival aiasynda halyqaralyq baiqaý jáne Ortalyq Aziia men túrki álemi elderiniń filmderi boiynsha baiqaý uiymdastyryldy. Is-sharaǵa Ázerbaijan, Qytai, Qyrǵyzstan, Marokko, Resei, Tájikstan, Tatarstan, Túrkiia, Ózbekstan, Filippin jáne Frantsiia syndy elderden 50-ge jýyq film usynyldy, bul kino óneriniń san túrli qyryn aishyqtai tústi.
Bul kinofestivalda elimizdiń rejisseri Arýan Anartai «Joqtaý» filmi úshin «Úzdik rejisser» atandy.
Bul festival otandyq kinoónerdiń jańa belesterge shyǵýyna jol ashyp, halyqaralyq áriptestikterdi nyǵaitty.
Dimash Qudaibergenniń halyqaralyq jetistikteri
foto: Instagram/kudaibergenov.dimash
Álemge tanymal qazaqstandyq ánshi Dimash Qudaibergen biyl taǵy bir iri jetistikke qol jetkizip, «Jyldyń úzdik halyqaralyq ártisi» ataǵyna ie boldy. Onyń álemdik sahnalarda qazaqtyń ónerin pash etip júrgeni – elimizdiń mádeni abyroiyn asqaqtatatyn mańyzdy oqiǵalardyń biri. Odan bólek ánshi «Halyqtyń súiiktisi» ulttyq syilyǵynyń úsh márte laýreaty atanǵany úshin arnaiy saqinamen marapattaldy.
Sondai-aq, osy jyly ánshi úshin birshama tabysty boldy. Frantsiianyń Planète Paix jýrnaly 2024 jyldyń 23-shi qyrkúiegindegi sanynda qazaqstandyq ánshi týraly maqala jariialady. «Dimash Qudaibergen: álem juldyzy jáne beibitshilik elshisi» atty maqalanyń avtory Dimash Qudaibergendi Qazaqstan atynan halqaralyq deńgeide óner kórsetetin jetekshi artist dep ataǵan.
Sháken Aimanovtyń 110 jyldyǵy jáne «Qazaqfilmniń» 90 jyldyǵy
Qazaq kinosynyń atasy Sháken Aimanovtyń 110 jyldyq mereitoiy elimizdiń túkpir-túkpirinde keń kólemde atap ótildi. Sonymen qatar, «Qazaqfilm» kinostýdiiasynyń 90 jyldyǵy da ulttyq kinematograf tarihyndaǵy aitýly oqiǵalardyń biri boldy. Bul sharalar qazaq kinosynyń ótkeni men búginin saraptap, jańa talanttardy qoldaýǵa múmkindik berdi.
«Mýfasa. Arystan patsha» jáne «Moana 2» qazaq tilinde
Disney stýdiiasynyń «Mýfasa. Arystan patsha» jáne «Moana 2» animatsiialyq filmderi qazaq tiline dýbliajdalyp, kórermenge jol tartty. Bul qazaq tilindegi sapaly kontenttiń kóbeiýine úles qosyp, jas urpaqty ana tiline jaqyndatý baǵytynda mańyzdy qadam boldy.
«Rýhaniiat jyly» jáne mádeni muralardy qorǵaý
Qyzylorda oblysynda 2024 jyl «Rýhaniiat jyly» dep jariialanyp, óńirde mádeni sharalar keń kólemde uiymdastyryldy. Sonymen qatar, Qazaqstanda tarihi jáne mádeni eskertkishterdi qorǵaý jónindegi memlekettik baǵdarlama júzege asyryldy. Mádeni muralar jańǵyrtylyp, restavratsiialyq jumystar júrgizildi.
V Dúniejúzilik kóshpendiler oiyndary
Astanada ótken V Dúniejúzilik kóshpendiler oiyndary qazaqtyń ulttyq sport túrlerin halyqaralyq deńgeide nasihattady. 60-tan astam elden kelgen sportshylar baq synaǵan bul oiyndar ulttyq rýhty oiatyp, qazaq mádenietin álemge taǵy bir márte tanytty.
foto:gov.kz
Aitýly oqiǵalardyń biri – 17 myńnan astam kórermen jinaǵan V Dúniejúzilik kóshpendiler oiyndarynyń ashylý jáne jabylý saltanaty boldy. Oiyndardyń jabylý rásiminde áigili qazaqstandyq ánshi Dimash Qudaibergenniń keremet kontserti uiymdastyryldy.
Qazaq mádenieti shetelde
Qazaqstannyń mádeniet kúnderi Túrikmenstanda joǵary deńgeide ótildi. Ashhabad qalasynda ótken bul shara aiasynda qazaqstandyq ónerpazdar ulttyq ónerimizdi dáriptese, qazaqstandyq kinolar kórermenge usynyldy.
Odan bólek, biyl qazaq óneri alǵash ret álemge áigili óner alańdarynda: Venetsiia biennalesi men Gime – Aziia óner mýzeiinde usynyldy. Bul kórmelerdi shamamen eki júz myń adam tamashalady.
foto:gov kz
Sondai-aq, Tiantszin mýzeiindegi «Altyn adam jáne Uly dala» kórmesi de mańyzdy oqiǵalardyń biri boldy. Kórme ashylǵan sátten bastap 400 myń adam tamashalady.
foto:gov.kz
Mańyzdy mereitoilar
Biyl Qazaqstanda elimizdiń uly tulǵalary men tarihi datalaryna arnalǵan aýqymdy mereitoilyq is-sharalar ótti. Mundai mereitoilar jyl sońyna deiin jalǵasady. Bul is-sharalar tek uly qairatkerlerdiń esimin ulyqtaýmen shektelmei, sonymen qatar, eldiń mádeni murasyn damytýǵa úles qosýda.
Uly tulǵalardyń mereitoilary: Qurmanǵazy atyndaǵy Qazaq ulttyq orkestriniń 90 jyldyǵy, Sydyq Muhamedjanovtyń 100 jyldyǵy, Bibigúl Tólegenovanyń 95 jyldyǵy, Sáken Seifýllinniń 130 jyldyǵy, Beiimbet Mailinniń 130 jyldyǵy, Berdibek Soqpaqbaevtyń 100 jyldyǵy, Ábdijámil Nurpeiisovtiń 100 jyldyǵy, Gerold Belgerdiń 90 jyldyǵy, Ábish Kekilbaevtyń 85 jyldyǵy, Fariza Ońǵarsynovanyń 85 jyldyǵy atap ótildi.2024 jyl Qazaqstannyń mádenieti men rýhaniiaty úshin jańalyqtarǵa toly, jemisti jyl boldy. Otandyq ónerpazdar halyqaralyq arenada úlken jetistikterge jetip, ulttyq mádenietimiz ben salt-dástúrimizdiń mártebesin kóterdi. Bul jyl qazaq mádenietiniń órkendep, jahandyq deńgeide moiyndalýyna yqpal etken mańyzdy kezeń retinde este qalady.
Bekbolat MUHTAR
