فوتو: ortcom.kz«بەتاشار» دەستٷرٸنٸڭ يۋنەسكو تٸزٸمٸنە ەنگٸزٸلۋٸ
فوتو: neke.kz
جىلدىڭ باستى جاڭالىقتارىنىڭ بٸرٸ – قازاقتىڭ دەستٷرلٸ «بەتاشار» رەسٸمٸنٸڭ يۋنەسكو-نىڭ ماتەريالدىق ەمەس مەدەني مۇرالار تٸزٸمٸنە ەنگٸزٸلۋٸ بولدى. بۇل شەشٸم ۇلتتىق سالت-دەستٷرٸمٸزدٸڭ جاھاندىق دەڭگەيدە تانىلۋىنا ىقپال ەتٸپ, قازاق مەدەنيەتٸنٸڭ باي ەرٸ تەرەڭ تاريحىن ەلەمگە پاش ەتتٸ.
XVII حالىقارالىق «ەۋرازييا» كينوفەستيۆالٸ
فوتو: gov.kz
الماتىدا حVII حالىقارالىق «ەۋرازييا» كينوفەستيۆالٸ ٶتتٸ. فەستيۆال اياسىندا حالىقارالىق بايقاۋ جەنە ورتالىق ازييا مەن تٷركٸ ەلەمٸ ەلدەرٸنٸڭ فيلمدەرٸ بويىنشا بايقاۋ ۇيىمداستىرىلدى. ٸس-شاراعا ەزەربايجان, قىتاي, قىرعىزستان, ماروككو, رەسەي, تەجٸكستان, تاتارستان, تٷركييا, ٶزبەكستان, فيليپپين جەنە فرانتسييا سىندى ەلدەردەن 50-گە جۋىق فيلم ۇسىنىلدى, بۇل كينو ٶنەرٸنٸڭ سان تٷرلٸ قىرىن ايشىقتاي تٷستٸ.
بۇل كينوفەستيۆالدا ەلٸمٸزدٸڭ رەجيسسەرٸ ارۋان انارتاي «جوقتاۋ» فيلمٸ ٷشٸن «ٷزدٸك رەجيسسەر» اتاندى.
بۇل فەستيۆال وتاندىق كينوٶنەردٸڭ جاڭا بەلەستەرگە شىعۋىنا جول اشىپ, حالىقارالىق ەرٸپتەستٸكتەردٸ نىعايتتى.
ديماش قۇدايبەرگەننٸڭ حالىقارالىق جەتٸستٸكتەرٸ
فوتو: Instagram/kudaibergenov.dimash
ەلەمگە تانىمال قازاقستاندىق ەنشٸ ديماش قۇدايبەرگەن بيىل تاعى بٸر ٸرٸ جەتٸستٸككە قول جەتكٸزٸپ, «جىلدىڭ ٷزدٸك حالىقارالىق ەرتٸسٸ» اتاعىنا يە بولدى. ونىڭ ەلەمدٸك ساحنالاردا قازاقتىڭ ٶنەرٸن پاش ەتٸپ جٷرگەنٸ – ەلٸمٸزدٸڭ مەدەني ابىرويىن اسقاقتاتاتىن ماڭىزدى وقيعالاردىڭ بٸرٸ. ودان بٶلەك ەنشٸ «حالىقتىڭ سٷيٸكتٸسٸ» ۇلتتىق سىيلىعىنىڭ ٷش مەرتە لاۋرەاتى اتانعانى ٷشٸن ارنايى ساقينامەن ماراپاتتالدى.
سونداي-اق, وسى جىلى ەنشٸ ٷشٸن بٸرشاما تابىستى بولدى. فرانتسييانىڭ Planète Paix جۋرنالى 2024 جىلدىڭ 23-شٸ قىركٷيەگٸندەگٸ سانىندا قازاقستاندىق ەنشٸ تۋرالى ماقالا جارييالادى. «ديماش قۇدايبەرگەن: ەلەم جۇلدىزى جەنە بەيبٸتشٸلٸك ەلشٸسٸ» اتتى ماقالانىڭ اۆتورى ديماش قۇدايبەرگەندٸ قازاقستان اتىنان حالقارالىق دەڭگەيدە ٶنەر كٶرسەتەتٸن جەتەكشٸ ارتيست دەپ اتاعان.
شەكەن ايمانوۆتىڭ 110 جىلدىعى جەنە «قازاقفيلمنٸڭ» 90 جىلدىعى
قازاق كينوسىنىڭ اتاسى شەكەن ايمانوۆتىڭ 110 جىلدىق مەرەيتويى ەلٸمٸزدٸڭ تٷكپٸر-تٷكپٸرٸندە كەڭ كٶلەمدە اتاپ ٶتٸلدٸ. سونىمەن قاتار, «قازاقفيلم» كينوستۋديياسىنىڭ 90 جىلدىعى دا ۇلتتىق كينەماتوگراف تاريحىنداعى ايتۋلى وقيعالاردىڭ بٸرٸ بولدى. بۇل شارالار قازاق كينوسىنىڭ ٶتكەنٸ مەن بٷگٸنٸن ساراپتاپ, جاڭا تالانتتاردى قولداۋعا مٷمكٸندٸك بەردٸ.
«مۋفاسا. ارىستان پاتشا» جەنە «موانا 2» قازاق تٸلٸندە
Disney ستۋديياسىنىڭ «مۋفاسا. ارىستان پاتشا» جەنە «موانا 2» انيماتسييالىق فيلمدەرٸ قازاق تٸلٸنە دۋبلياجدالىپ, كٶرەرمەنگە جول تارتتى. بۇل قازاق تٸلٸندەگٸ ساپالى كونتەنتتٸڭ كٶبەيۋٸنە ٷلەس قوسىپ, جاس ۇرپاقتى انا تٸلٸنە جاقىنداتۋ باعىتىندا ماڭىزدى قادام بولدى.
«رۋحانييات جىلى» جەنە مەدەني مۇرالاردى قورعاۋ
قىزىلوردا وبلىسىندا 2024 جىل «رۋحانييات جىلى» دەپ جارييالانىپ, ٶڭٸردە مەدەني شارالار كەڭ كٶلەمدە ۇيىمداستىرىلدى. سونىمەن قاتار, قازاقستاندا تاريحي جەنە مەدەني ەسكەرتكٸشتەردٸ قورعاۋ جٶنٸندەگٸ مەملەكەتتٸك باعدارلاما جٷزەگە اسىرىلدى. مەدەني مۇرالار جاڭعىرتىلىپ, رەستاۆراتسييالىق جۇمىستار جٷرگٸزٸلدٸ.
V دٷنيەجٷزٸلٸك كٶشپەندٸلەر ويىندارى
استانادا ٶتكەن V دٷنيەجٷزٸلٸك كٶشپەندٸلەر ويىندارى قازاقتىڭ ۇلتتىق سپورت تٷرلەرٸن حالىقارالىق دەڭگەيدە ناسيحاتتادى. 60-تان استام ەلدەن كەلگەن سپورتشىلار باق سىناعان بۇل ويىندار ۇلتتىق رۋحتى وياتىپ, قازاق مەدەنيەتٸن ەلەمگە تاعى بٸر مەرتە تانىتتى.
فوتو:gov.kz
ايتۋلى وقيعالاردىڭ بٸرٸ – 17 مىڭنان استام كٶرەرمەن جيناعان V دٷنيەجٷزٸلٸك كٶشپەندٸلەر ويىندارىنىڭ اشىلۋ جەنە جابىلۋ سالتاناتى بولدى. ويىنداردىڭ جابىلۋ رەسٸمٸندە ەيگٸلٸ قازاقستاندىق ەنشٸ ديماش قۇدايبەرگەننٸڭ كەرەمەت كونتسەرتٸ ۇيىمداستىرىلدى.
قازاق مەدەنيەتٸ شەتەلدە
قازاقستاننىڭ مەدەنيەت كٷندەرٸ تٷرٸكمەنستاندا جوعارى دەڭگەيدە ٶتٸلدٸ. اشحاباد قالاسىندا ٶتكەن بۇل شارا اياسىندا قازاقستاندىق ٶنەرپازدار ۇلتتىق ٶنەرٸمٸزدٸ دەرٸپتەسە, قازاقستاندىق كينولار كٶرەرمەنگە ۇسىنىلدى.
ودان بٶلەك, بيىل قازاق ٶنەرٸ العاش رەت ەلەمگە ەيگٸلٸ ٶنەر الاڭدارىندا: ۆەنەتسييا بيەننالەسٸ مەن گيمە – ازييا ٶنەر مۋزەيٸندە ۇسىنىلدى. بۇل كٶرمەلەردٸ شامامەن ەكٸ جٷز مىڭ ادام تاماشالادى.
فوتو:gov kz
سونداي-اق, تيانتسزين مۋزەيٸندەگٸ «التىن ادام جەنە ۇلى دالا» كٶرمەسٸ دە ماڭىزدى وقيعالاردىڭ بٸرٸ بولدى. كٶرمە اشىلعان سەتتەن باستاپ 400 مىڭ ادام تاماشالادى.
فوتو:gov.kz
ماڭىزدى مەرەيتويلار
بيىل قازاقستاندا ەلٸمٸزدٸڭ ۇلى تۇلعالارى مەن تاريحي داتالارىنا ارنالعان اۋقىمدى مەرەيتويلىق ٸس-شارالار ٶتتٸ. مۇنداي مەرەيتويلار جىل سوڭىنا دەيٸن جالعاسادى. بۇل ٸس-شارالار تەك ۇلى قايراتكەرلەردٸڭ ەسٸمٸن ۇلىقتاۋمەن شەكتەلمەي, سونىمەن قاتار, ەلدٸڭ مەدەني مۇراسىن دامىتۋعا ٷلەس قوسۋدا.
ۇلى تۇلعالاردىڭ مەرەيتويلارى: قۇرمانعازى اتىنداعى قازاق ۇلتتىق وركەسترٸنٸڭ 90 جىلدىعى, سىدىق مۇحامەدجانوۆتىڭ 100 جىلدىعى, بيبٸگٷل تٶلەگەنوۆانىڭ 95 جىلدىعى, سەكەن سەيفۋلليننٸڭ 130 جىلدىعى, بەيٸمبەت مايليننٸڭ 130 جىلدىعى, بەردٸبەك سوقپاقباەۆتىڭ 100 جىلدىعى, ەبدٸجەمٸل نۇرپەيٸسوۆتٸڭ 100 جىلدىعى, گەرولد بەلگەردٸڭ 90 جىلدىعى, ەبٸش كەكٸلباەۆتىڭ 85 جىلدىعى, فاريزا وڭعارسىنوۆانىڭ 85 جىلدىعى اتاپ ٶتٸلدٸ.2024 جىل قازاقستاننىڭ مەدەنيەتٸ مەن رۋحانيياتى ٷشٸن جاڭالىقتارعا تولى, جەمٸستٸ جىل بولدى. وتاندىق ٶنەرپازدار حالىقارالىق ارەنادا ٷلكەن جەتٸستٸكتەرگە جەتٸپ, ۇلتتىق مەدەنيەتٸمٸز بەن سالت-دەستٷرٸمٸزدٸڭ مەرتەبەسٸن كٶتەردٸ. بۇل جىل قازاق مەدەنيەتٸنٸڭ ٶركەندەپ, جاھاندىق دەڭگەيدە مويىندالۋىنا ىقپال ەتكەن ماڭىزدى كەزەڭ رەتٸندە ەستە قالادى.
بەكبولات مۇحتار
