Foto: ashyq derekkóz
2024 jylǵy 23 qańtarda Almaty qalasynda bolǵan jer silkinisi kezinde avtomattandyrylǵan aldyn ala eskertý júiesi (AAEJ) óz deńgeiinde jumys istemei, halyq ýaqtyly habarlanbaǵan edi.
Memleket Basshysy men Bas prokýrordyń tapsyrmasymen Almaty qalasynyń prokýratýrasy atalǵan júieni satyp alýdyń zańdylyǵyn tekserip, nátijesinde biýdjet qarajatyn jymqyrý belgilerin anyqtady. Bul derek boiynsha sotqa deiingi tergep-tekserý júrgizildi.
Tergeý barysynda «TNS-INTEC» JShS bas direktory jeke paida tabý maqsatynda sapasyz jabdyq jetkizip, jalǵan aktiler rásimdegeni jáne osylaisha asa iri mólsherde biýdjet qarajatyn jymqyrǵany dáleldendi.
Almaty garnizonynyń áskeri soty bul is boiynsha úkim shyǵardy.
Sondai-aq qalalyq tótenshe jaǵdailar departamentiniń úsh orynbasary, sondai-aq jabdyqtyń sapasyna baqylaý júrgizýge tiis bolǵan avtorlyq jáne tehnikalyq qadaǵalaý ókilderi de jaýapkershilikke tartyldy.
Sot barlyq aiyptalýshylardy kináli dep tanyp, olarǵa bas bostandyǵynan aiyrý jáne memlekettik, kvazimemlekettik organdarda qyzmet atqarý quqyǵynan aiyrý jazasy taǵaiyndaldy.
