Búgin halyq aldynda esep berý kezdesýinde QR Densaýlyq saqtaý ministri Aleksei Tsoi dárigerler jalaqysyn kóterýge qatysty túsinik berdi, dep habarlaidy "Ult aqparat".
«Meditsinalyq uiymdardy bilikti kadr resýrstarymen jasaqtaý úshin biz tiisti is-sharalardy qarastyrdyq. Bul turǵyda meditsina qyzmetkerlerin daiarlaýǵa granttar sanyn ulǵaitý, dárigerlerdiń kásibi jaýapkershiligin saqtandyrý júiesin engizý, meditsina qyzmetkerleriniń jalaqysyn kezeń-kezeńimen, iaǵni 2023 jylǵa qarai ekonomikadaǵy ortasha jalaqydan eki jarym ese joǵary deńgeige deiin kóterý eskerilgen», - dedi ministr.
Onyń aitýynsha, 2021 jyldyń 1 qańtarynan bastap 247 myń meditsina qyzmetkeriniń jalaqysy, iaǵni dárigerlerge 30 paiyzǵa, orta meditsina qyzmetkerlerine 20 paiyzǵa ósti.
«Osylaisha, 2023 jyly dárigerlerdiń ortasha jalaqysy shamamen 561 myń teńgeni, orta meditsinalyq qyzmetkerlerdiń jalaqysy 210 myń teńgeni quraidy», - dedi Tsoi.
