2023 jyly álem elderi azyq-túlik daǵdarysyna tap bolýy múmkin. Bul týraly QR Syrtqy ister ministrligindegi baspasóz máslihatynda BUU Bas hatshysynyń birinshi orynbasary Amina Muhammed málim etti, dep habarlaidy QazAqparat.
«Ýkrainadaǵy jaǵdaiǵa bailanysty azyq-túlik qaýipsizdigi salasynda qaýip-qater bar. Degenmen azyq-túlik qaýipsizdigi salasyndaǵy máseleler barsha álemdegi pandemiia men lokdaýndardan bastaý alyp otyr. Sebebi indet saldarynan álem elderi arasynda ónimdi jetkizý tizbegi buzylǵan bolatyn. Al soǵys jaǵdaiy bul qiyndyqtardy ýshyqtyra tústi», - dedi Amina Muhammed.
Onyń aitýynsha, BUU Bas hatshysy men álem elderiniń kóshbasshylary jáne olardyń tehnikalyq komandalary aldaǵy ýaqytta bolýy múmkin azyq-túlik daǵdarysyn eńserýge qatysty sheshimderdi usynyp jatyr.
«Qymbattap bara jatqan azyq-túlik baǵasyn túsirý úshin bidai tasymaly baǵytynda Qara teńizdegi qarym-qatynasty jandandyrý kerek. Alaida bul daǵdarystyń mán-jaiyn durys túsingen jón. Iaǵni, soǵys aiaqtalmasa, problemalardyń salmaǵy da aýyrlai beredi. Biyl azyq-túlik daǵdarysynyń saldaryn asa qatty sezinbesek te, aldaǵy jyly bul saladaǵy problemalar aýqymdy bolatynyn baiqaimyz», - dedi BUU Bas hatshysynyń birinshi orynbasary.
